อรรถกถาเล่มที่ ๑๒ หน้าที่ ๒๔๓.

วิทฺโธ มรตี"ติ ญตฺวาว วิชฺฌติ. ตสฺเสว ^๑- ชีวิตํ กปฺเปตฺวา นรเก อุปฺปนฺนสฺส ตโต ปกฺกาวเสเสน อิธูปปตฺติกาเล อุสุนา วิชฺฌนภาโวเยว นิมิตฺตํ อโหสิ. ตสฺมา อุสุโลมเปโต ชาโต. สตฺตมํ. ๘. สูจิโลมสุตฺตวณฺณนา [๒๐๙] สูจิโลมวตฺถุสฺมึ สูโตติ อสฺสทมโก. โคทมโกติปิ วทนฺติเยว. ตสฺส ปโตทสูจิยา วิชฺฌนภาโวเยว นิมิตฺตํ อโหสิ. ตสฺมา สูจิโลมเปโต. อฏฺฐมํ. ๙. ทุติยสูจิโลมสุตฺตวณฺณนา [๒๑๐] ทุติเย สูจิโลมวตฺถุสฺมึ สูจิโกติ ^๒- เปสุญฺญการโก. โส กิร มนุสฺเส อญฺญมญฺญญฺจ ภินฺทิ, ราชกุเล จ "อิมสฺส อิทํ นาม อตฺถิ, อิมินา จ ^๓- อิทํ นาม กตนฺ"ติ สูเจตฺวา สูเจตฺวา อนยพฺยสนํ ปาเปสิ. ตสฺมา ยถา เตน สูเจตา มนุสฺสา ภินฺนา, ตถา สูจีหิ เภทนทุกฺขํ ^๔- ปจฺจนุโภตุํ กมฺมเมว นิมิตฺตํ กตฺวา สูจิโลมเปโต ชาโต. นวมํ. ๑๐. กุมฺภณฺฑสุตฺตวณฺณนา [๒๑๑] อณฺฑภาริวตฺถุสฺมึ คามกูโฏติ ^๕- วินิจฺฉยามจฺโจ. ตสฺส กมฺมสภาคตาย กุมฺภมตฺตา มหาฆฏปฺปมาณา อณฺฑา อเหสุํ. โส หิ ยสฺมา รโห ปฏิจฺฉนฺเน ฐาเน ลญฺจํ ^๖- คเหตฺวา กูฏวินิจฺฉเยน ปากฏํ โทสํ กโรนฺโต สามิเก อสฺสามิเก อกาสิ, ตสฺมาสฺส รหสฺสํ องฺคํ ปากฏํ นิพฺพตฺตํ, ยสฺมา ทณฺฑํ ปฏฺฐเปนฺโต @เชิงอรรถ: ^๑ ฉ.ม.,อิ. ตสฺเสวํ ^๒ ฉ.ม.,อิ. สูโตติ @^๓ ฉ.ม.,อิ. จ-สทฺโท น ทิสฺสติ ^๔ สี.,อิ. โตทนทุกฺขํ @^๕ ฉ.ม. กามกูฏโกติ ^๖ ฉ.ม. ลญฺชํ

เนื้อความอรรถกถาฉบับภาษาบาลี อักษรไทย เล่มที่ ๑๒ หน้าที่ ๒๔๓. http://84000.org/tipitaka/read/attha_page.php?book=12&page=243&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=12&A=5377&modeTY=2&pagebreak=1 http://84000.org/tipitaka/atthapali/th_line.php?B=12&A=5377&modeTY=2&pagebreak=1#p243