อรรถกถาเล่มที่ ๑๒ หน้าที่ ๓๖๘.

๒. ทุติยวคฺค ๑-๑๒. มารสุตฺตาทิวณฺณนา [๑๗๐-๑๘๑] ทุติยวคฺคสฺส ปฐเม มาโร มาโรติ มรณํ ปุจฺฉติ. ยสฺมา ปน รูปาทิวินิมุตฺตํ มรณํ นาม นตฺถิ. เตนสฺส ภควา รูปํ โข ราธมาโรติอาทิมาห. ทุติเย มารธมฺโมติ มรณธมฺโม. เอเตนุปาเยน สพฺพตฺถ อตฺโถ. เวทิตพฺโพติ. ทุติโย วคฺโค. ---------- ๓-๔. อายาจนวคฺคาทิ ๑-๑๑. มาราทิสุตฺตเอกาทสกวณฺณนา [๑๘๒-๒๐๕] ตโต ปรํ อุตฺตานตฺถเมว. อยํ หิ ราธตฺเถโร ปฏิภาณิยตฺเถโร นาม. ตถาคตสฺส อิมํ เถรํ ทิสฺวา สุขุมํ การณํ อุปฏฺฐาติ. เตนสฺส ภควา นานานเยหิ ธมฺมํ เทเสติ. เอวํ อิมสฺมึ ราธสํยุตฺเต อาทิโต เทฺว วคฺคา ปุจฺฉนวเสน ^๑- เทสิตา, ตติโย อายาจเนน, จตุตฺโถ อุปนิสินฺนกกถาวเสน. สกลมฺปิ ปเนตํ ราธสํยุตฺตํ เถรสฺส วิมุตฺติปริปาจนียธมฺมวเสเนว คหิตนฺติ ^๒- เวทิตพฺพํ. ราธสํยุตฺตวณฺณนา นิฏฺฐิตา. ---------------- @เชิงอรรถ: ^๑ ฉ.ม.,อิ. ปุจฺฉาวเสน ^๒ สี. คตนฺติ, ก. กตนฺติ

เนื้อความอรรถกถาฉบับภาษาบาลี อักษรไทย เล่มที่ ๑๒ หน้าที่ ๓๖๘. http://84000.org/tipitaka/read/attha_page.php?book=12&page=368&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=12&A=8101&modeTY=2&pagebreak=1 http://84000.org/tipitaka/atthapali/th_line.php?B=12&A=8101&modeTY=2&pagebreak=1#p368