อรรถกถาเล่มที่ ๑๒ ภาษาบาลี อักษรไทย
สํ.อ. (สารตฺถ.๒)
หน้าที่ ๓๗๘.

                          ๔. โอกฺกนฺตสํยุตฺต
                       ๑-๑๐. จกฺขุสุตฺตาทิวณฺณนา
    [๓๐๒-๓๑๑] โอกฺกนฺตสํยุตฺเต อธิมุจฺจตีติ สทฺธาธิโมกฺขํ ปฏิลภติ.
โอกฺกนฺโต สมฺมตฺตนิยามนฺติ ปวิฏฺโฐ อริยมคฺคํ. อภพฺโพ จ ๑- ตาว กาลํ
กาตุนฺติ อิมินา อุปฺปนฺเน มคฺเค ผลสฺส อนนฺตรายตํ ทีเปติ. อุปฺปนฺนสฺมึ หิ
มคฺเค ผลสฺส อนฺตรายกรณํ นาม นตฺถิ. เตเนวาห "อยญฺจ ปุคฺคโล
โสตาปตฺติผลสจฺฉิกิริยาย ปฏิปนฺโน อสฺส, กปฺปสฺส จ อุฑฺฑยฺหนเวลา อสฺส,
เนว ตาว กปฺโป อุฑฺฑเยฺหยฺย, ยาวายํ ปุคฺคโล น โสตาปตฺติผลํ สจฺฉิกโรติ,
อยํ วุจฺจติ ปุคฺคโล ฐิตกปฺปี"ติ. ๒- มตฺตโส นิชฺฌานํ ขมนฺตีติ ปมาณโต
โอโลกนํ ขมนฺติ. เสสํ สพฺพตฺถ อุตฺตานเมวาติ.
                      โอกฺกนฺตสํยุตฺตวณฺณนา นิฏฺฐิตา
                          -------------
                        ๕. อุปาทสํยุตฺตวณฺณนา
    [๓๑๒-๓๒๑] อุปฺปาทสํยุตฺเต สพฺพํ ปากฏเมว.
                      อุปฺปาทสํยุตฺตวณฺณนา นิฏฺฐิตา.
                         --------------
                        ๖. กิเลสสํยุตฺตวณฺณนา
    [๓๒๒-๓๓๑] กิเลสสํยุตฺเต จิตฺตสฺเสโส อุปกฺกิเลโสติ กตรจิตฺตสฺส?
จตุภูมกจิตฺตสฺส. เตภูมกจิตฺตสฺส ตาว โหตุ, โลกุตฺตรสฺส กถํ อุปกฺกิเลโส
โหตีติ? อุปฺปตฺตินิวารณโต. โส หิ ตสฺส อุปฺปชฺชิตุํ อปฺปทาเนน อุปกฺกิเลโสติ
@เชิงอรรถ: ๑ สี. อภพฺโพว          ๒ อภิ. ปุ. ๓๖/๑๗/๑๒๐


เนื้อความอรรถกถาฉบับภาษาบาลี อักษรไทย เล่มที่ ๑๒ หน้าที่ ๓๗๘.
http://84000.org/tipitaka/read/attha_page.php?book=12&page=378&pages=1&modeTY=2&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=12&A=8314&modeTY=2&pagebreak=1
http://84000.org/tipitaka/atthapali/th_line.php?B=12&A=8314&modeTY=2&pagebreak=1#p378