อรรถกถาเล่มที่ ๑๒ หน้าที่ ๗๙.

โส เอกสงฺขาเรปิ นิจฺเจ ธุเว สสฺสเต สติ อุปฺปนฺโนปิ วฏฺฏํ วิวฏฺเฏตุํ น สกฺโกตีติ มคฺคภาวนา นิรตฺถกา โหตีติ. ^๑- เตน วุตฺตํ "อญฺญํ ชีวํ อญฺญํ สรีรนฺติ วา ภิกฺขุ ทิฏฺฐิยา สติ พฺรหฺมจริยวาโส น โหตี"ติ. วิสูกายิกานีติอาทิ สพฺพํ มิจฺฉาทิฏฺฐิเววจนเมว. สา หิ สมฺมาทิฏฺฐิยา วินิวิชฺฌนฏฺเฐน สูกมิว ^๒- อตฺตานํ อาธารณโต ^๓- สูกายิกํ, ^๔- สมฺมาทิฏฺฐึ อนนุวตฺติตฺวา ตสฺสา วิโรเธน ปวตฺตนโต วิเสวิตํ, กทาจิ อุจฺเฉทสฺส กทาจิ สสฺสตสฺส คหณโต วิรูปํ ผนฺทิตํ วิปฺผนฺทิตนฺติ วุจฺจติ. ตาลาวตฺถุกตานีติ ตาลวตฺถุ วิย กตานิ, ปุน อวิรุหนฏฺเฐน มตฺถกจฺฉินฺนตาโล วิย สมูลํ ตาลํ อุทฺธริตฺวา ตสฺส ปติฏฺฐิตฏฺฐานํ วิย จ กตานีติ อตฺโถ. อนภาวงฺคตานีติ อนุอภาวํ คตานิ. ^๕- ปญฺจมํ. ๖. ทุติยอวิชฺชาปจฺจยสุตฺตวณฺณนา [๓๖] ฉฏฺเฐ อิติ วา ภิกฺขเว โย วเทยฺยาติ ตสฺสํ ปริสติ ทิฏฺฐิคติโก ปญฺหํ ปุจฺฉิตุกาโม อตฺถิ, โส ปน อวิสารทธาตุโก อุฏฺฐาย ทสพลํ ปุจฺฉิตุํ น สกฺโกติ, ตสฺมา ตสฺส อชฺฌาสเยน สยเมว ปุจฺฉิตฺวา วิสฺสชฺเชนฺโต สตฺถา เอวมาห. ฉฏฺฐํ. ๗. นตุมฺหสุตฺตวณฺณนา [๓๗] สตฺตเม นายํ ^๖- ตุมฺหากนฺติ อตฺตนิ หิ สติ อตฺตนิยํ นาม โหติ. อตฺตาเยว จ นตฺถิ, ตสฺมา "น ตุมฺหากนฺ"ติ อาห. นาปิ อญฺเญสนฺติ อญฺโญ ^๗- นาม ปเรสํ อตฺตา, ตสฺมึ สติ อญฺโญ ^๗- นาม สิยา, โสปิ นตฺถิ, @เชิงอรรถ: ^๑ ฉ.ม.,อิ. โหติ ^๒ ฉ.ม. วิสูกมิว @^๓ สี. อาจรณโต, ฉ.ม.,อิ. อาวรณโต ^๔ ฉ.ม.,อิ. วิสูกายิกํ @^๕ สี. อนภาวกตนานีติ อนุอภาวกตานีติ, ฉ.ม. อนภาวํ กตานีติ อนุอภาวํ กตานีติ, @อิ...กตานิ ^๖ ฉ.ม.,อิ. น ^๗ ม.,อิ. อญฺเญสํ

เนื้อความอรรถกถาฉบับภาษาบาลี อักษรไทย เล่มที่ ๑๒ หน้าที่ ๗๙. http://84000.org/tipitaka/read/attha_page.php?book=12&page=79&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=12&A=1757&modeTY=2&pagebreak=1 http://84000.org/tipitaka/atthapali/th_line.php?B=12&A=1757&modeTY=2&pagebreak=1#p79