ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๒ ภาษาบาลี อักษรไทย สํ.อ. (สารตฺถ.๒)

หน้าที่ ๑๔๖.

ยํ ปฐมมคฺคสฺส อภาวิตตฺตา อุปฺปชฺเชยฺย. กตมํ ปน อุปนิธาย? ยํ สตฺตสุ
อตฺตภาเวสุ อปาเย อฏฺฐมญฺจ ปฏิสนฺธึ อาทึ กตฺวา ยตฺถ กตฺถจิ อุปฺปชฺเชยฺย, สพฺพํ
ตํ ปริกฺขีณนฺติ เวทิตพฺพํ. สตฺตกฺขตฺตุนฺติ สตฺต วาเร, สตฺตสุ อตฺตภาเวสูติ
อตฺโถ. ปรมตาติ อิทมสฺส ปรํ ปมาณนฺติ ๑- ทสฺเสติ. มหตฺถิโยติ มหโต
อตฺถสฺส นิปฺผาทโก. ปฐมํ.
                        ๒. โปกฺขรณีสุตฺตวณฺณนา
    [๗๕] ทุติเย โปกฺขรณีติ วาปี. อุพฺเพเธนาติ คมฺภีรตาย. สมติตฺติกาติ
มุขวฏฺฏิสมา. กากเปยฺยาติ สกฺกา โหติ ตีเร ฐิเตน กาเกน ปกติยาปิ มุขตุณฺฑิกํ
โอตาเรตฺวา ปาตุํ. ทุติยํ.
                      ๓. สํเภชฺชอุทกสุตฺตาทิวณฺณนา
    [๗๖-๗๗] ตติเย ยตฺถิมาติ ยสฺมึ สมฺภิชฺชฏฺฐาเน อิมา. สํสนฺทนฺตีติ
สมฺมา คนฺตฺวา ๒- สนฺทนฺติ. สเมนฺตีติ สมาคจฺฉนฺติ. เทฺว วา ตีณิ วาติ เทฺว
วา ตีณิ วา. อุทกผุสิตานีติ อุทกพินฺทูนิ. สมฺเภชฺชอุทกนฺติ อญฺญาหิ นทีหิ
สทฺธึ สมฺภินฺนฏฺฐาเน อุทกํ. จตุตฺถํ อุตฺตานตฺถเมว. ตติยจตุตฺถานิ.
                        ๕. ปฐวีสุตฺตาทิวณฺณนา
    [๗๘-๘๔] ปญฺจเม มหาปฐวิยาติ จกฺกวาฬพฺภนฺตราย มหาปฐวิยา
อุทฺธริตฺวา. โกลฏฺฐิมตฺติโยติ พทรฏฺฐิปฺปมาณา. ๓- คุฬีกาติ มตฺติกคุฬิกา.
@เชิงอรรถ:  สี.,อิ. ปริมาณนฺติ     ฉ.ม. สมาคนฺตฺวา, อิ. สห คนฺตฺวา
@ ฉ.ม., อิ. ปทรฏฺฐิปฺปมาณา



เนื้อความอรรถกถาฉบับภาษาบาลี อักษรไทย เล่มที่ ๑๒ หน้าที่ ๑๔๖. http://84000.org/tipitaka/read/attha_page.php?book=12&page=146&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=12&A=3268&modeTY=2&pagebreak=1 http://84000.org/tipitaka/atthapali/th_line.php?B=12&A=3268&modeTY=2&pagebreak=1#p146


จบการแสดงผล หน้าที่ ๑๔๖.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]