บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 12 : PALI ROMAN Sam.A. (sarattha.2) Page 176.
4. Anamataggasamyutta 1. Pathamavagga 1. Tinakatthasuttavannana [124] Anamataggasamyuttassa. Pathame anamataggoti anuamataggo, vassasatam vassasahassam nanena anugantvapi amataggo aviditaggo, nassa sakka ito va etto va aggam janitum, aparicchinnapubbaparakotikoti attho. Samsaroti khandhadinam avicchinnappavatta patipati. Pubba koti na pannayatiti purimamariyada na dissati. Yadaggena cassa purima koti na pannayati, pacchimapi tadaggeneva na pannayati, vemajjheyeva pana satta samsaranti. 1- Pariyadanam gaccheyyati idam upamaya khuddakatta vuttam. Bahirasamayasmim hi attho paritto hoti, upama mahati. "hatthi viya ayam gono, gono viya sukaro, samuddo viya talakan"ti hi vutte na tesam tadisam pamanam hoti. Buddhasamaye pana upama paritta, attho maha. Paliyam hi eko jambudipo gahito, evarupanam pana jambudipanam satepi sahassepi satasahassepi tinadini tena upakkamena pariyadanam gaccheyyum, na tveva purisassa matu mataroti. Dukkham paccanubhutanti tumhehi dukkham anubhutam. Tibbanti tasseva vevacanam. Byasananti natibyasanadianekavidham. Katasiti susanam, pathaviyeva va. Sa hi tehi 2- punappunam marantehi sariranikkhepena vaddhita. Alamevati yuttameva. Pathamam. 2. Pathavisuttavannana [125] Dutiye mahapathavinti cakkavalapariyantam mahapathavim. Nikkhipeyyati tam pathavim bhinditva vuttappamanam gulikam katva ekamante 3- thapeyya. Dutiyam. @Footnote: 1 Si.sankamanti 2 cha.Ma.,i. ayam patho na dissati 3 cha.Ma.,i. karitva ekamantamThe Pali Atthakatha in Roman Character Volume 12 Page 176. http://84000.org/tipitaka/read/attha_page.php?book=12&page=176&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=12&A=3923&modeTY=2&pagebreak=1 http://84000.org/tipitaka/atthapali/rm_line.php?B=12&A=3923&modeTY=2&pagebreak=1#p176
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]