ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบไทย
อรรถกถาเล่มที่ ๑๒ ภาษาบาลี อักษรไทย สํ.อ. (สารตฺถ.๒)

หน้าที่ ๒๒.

                        ๓. ปฏิปทาสุตฺตวณฺณนา
    [๓] ตติเย มิจฺฉาปฏิปทนฺติ อยํ ตาว อนิยฺยานิกปฏิปทา. นนุ จ
อวิชฺชาปจฺจยา ปุญฺาภิสงฺขาโรปิ อตฺถิ อาเนญฺชาภิสงฺขาโรปิ, โส กถํ มิจฺฉาปฏิปทา
โหตีติ. วฏฺฏสีสตฺตา. ยํ หิ กิญฺจิ ภวตฺตยสงฺขาตํ วฏฺฏํ ปตฺเถตฺวา ปวตฺติตํ,
อนฺตมโส ปญฺจาภิญฺา อฏฺ วา ปน สมาปตฺติโย, สพฺพํ ตํ วฏฺฏปกฺขิยํ
วฏฺฏสีสนฺติ วฏฺฏสีสตฺตา มิจฺฉาปฏิปทาว โหติ. ยํ ปน กิญฺจิ วิวฏฺฏํ นิพฺพานํ
ปตฺเถตฺวา ปวตฺติตํ, อนฺตมโส อุฬุงฺกยาคุมตฺตทานมฺปิ ปณฺณมุฏฺิทานมตฺตมฺปิ,
สพฺพํ ตํ วิวฏฺฏปกฺขิยํ วิวฏฺฏนิสฺสิตํ, วิวฏฺฏปกฺขิกตฺตา สมฺมาปฏิปทาว โหติ.
อปฺปมตฺตกมฺปิ หิ ปณฺณมุฏฺิมตฺตทานกุสลํ วา โหตุ มหนฺตํ เวลามทานาทิกุสลํ
วา, สเจ วฏฺฏสมฺปตฺตึ ปตฺเถตฺวา วฏฺฏนิสฺสิตวเสน มิจฺฉาปิตํ โหติ, วฏฺฏเมว
อาหริตุํ สกฺโกติ, โน วิวฏฺฏํ. "อิทํ เม ทานํ อาสวกฺขยาวหํ โหตู"ติ เอวํ
ปน วิวฏฺฏํ ปตฺเถนฺเตน วิวฏฺฏวเสน สมฺมาปิตํ อรหตฺตมฺปิ ปจฺเจกโพธิาณมฺปิ
สพฺพญฺุตาณมฺปิ ทาตุํ สกฺโกติเยว, น อรหตฺตํ อปตฺวา ปริโยสานํ
คจฺฉติ. อิติ อนุโลมวเสน มิจฺฉาปฏิปทา, ปฏิโลมวเสน สมฺมาปฏิปทา เทสิตาติ
เวทิตพฺพา. นนุ เจตฺถ ปฏิปทา ปุจฺฉิตา, ๑- นิพฺพานํ ภาชิตํ, นิยฺยาตเนปิ
ปฏิปทาว นิยฺยาติตา. น จ นิพฺพานสฺส ปฏิปทาติ นามํ, สวิปสฺสนานํ ปน
จตุนฺนํ มคฺคานเมตํ นามํ, ตสฺมา ปุจฺฉานิยฺยาตเนหิ ปทภาชนํ น สเมตีติ. โน
น สเมติ, กสฺมา? ผเลน ปฏิปทาย ทสฺสิตตฺตา. ผเลน เหตฺถ ปฏิปทา
ทสฺสิตา. "อวิชฺชาย เตฺวว อเสสวิราคนิโรธา สงฺขารนิโรโธ"ติ เอตํ ๒- นิโรธสงฺขาตํ
นิพฺพานํ ยสฺสา ปฏิปทาย ผลํ, อยํ วุจฺจติ ภิกฺขเว สมฺมาปฏิปทาติ อยเมตฺถ
อตฺโถ. อิมสฺมิญฺจ อตฺเถ อเสสวิราคนิโรธาติ เอตฺถ วิราโค นิโรธสฺเสว
@เชิงอรรถ:  สี.,อิ. ปุจฺฉิตฺวา         สี.,อิ. เอวํ



เนื้อความอรรถกถาฉบับภาษาบาลี อักษรไทย เล่มที่ ๑๒ หน้าที่ ๒๒. http://84000.org/tipitaka/read/attha_page.php?book=12&page=22&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=12&A=478&pagebreak=1 http://84000.org/tipitaka/atthapali/th_line.php?B=12&A=478&pagebreak=1#p22


จบการแสดงผล หน้าที่ ๒๒.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]