บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 12 : PALI ROMAN Sam.A. (sarattha.2) Page 281.
Va attanan"ti evam catusu khandhesu tinnam tinnam vasena dvadasasu thanesu ruparupamissako atta kathito. Tattha "rupam attato samanupassati, vedanam, sannam, sankhare, vinnanam attato samanupassati"ti imesu pancasu thanesu ucchedaditthi kathita, avasesesu sassataditthiti evamettha pannarasa bhavaditthiyo panca vibhavaditthiyo honti, ta sabbapi maggavarana, na saggavarana, pathamamaggavajjhati veditabba. Evam kho gahapati aturakayo ceva hoti aturacitto cati kayo nama buddhanampi aturoyeva. Cittam pana ragadosamohanugatam aturam nama. Tam idha dassitam. No ca aturacittoti idha nikkilesataya cittassa anaturabhavo dassito. Iti imasmim sutte lokiyamahajano aturakayo ceva aturacitto cati dassito, khinasava aturakaya anaturacitta, satta sekkha neva aturacitta, na anaturacittati veditabba. Bhajamana pana anaturacittatamyeva 1- bhajantiti. Pathamam. 2. Devadahasuttavannana [2] Dutiye devadahanti deva vuccanti rajano, tesam mangaladaho, sayam jato va so dahoti, tasma "devadaho"ti vutto. Tassa avidure nigamo devadahantveva napumsakalingavasena sankhyam gato. Pacchabhumagamikati pacchabhumam nivitthajanapadam gantukama. Nivasanti temasam vassavasam. Apalokitoti apucchito. Apalokethati apucchatha. Kasma theram apucchapeti? te sabhare katukamataya. Yo hi ekavihare vasantopi santikam na gacchati pakkamanto anapuccha pakkamati, ayam nibbharo nama yo ekavihare vasantopi agantva passati. Pakkamanto apucchati, ayam sabharo nama. Imepi bhikkhu bhagava "evamime siladihi vaddhissanti"ti sabhare katukamo apacchapeti. @Footnote: 1 Si. aturacittatamyevaThe Pali Atthakatha in Roman Character Volume 12 Page 281. http://84000.org/tipitaka/read/attha_page.php?book=12&page=281&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=12&A=6193&modeTY=2&pagebreak=1 http://84000.org/tipitaka/atthapali/rm_line.php?B=12&A=6193&modeTY=2&pagebreak=1#p281
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]