อรรถกถาเล่มที่ ๑๒ ภาษาบาลี อักษรไทย
สํ.อ. (สารตฺถ.๒)
หน้าที่ ๒๙๕.

    "อตฺตา หิ อตฺตโน นาโถ โก หิ นาโถ ปโร สิยา"ติ. ๑- เตนาห
"อนญฺสรณา"ติ. โก ปเนตฺถ อตฺตา นาม? โลกิยโลกุตฺตโร ธมฺโม. เตเนวาห
"ธมฺมทีปา ธมฺมสรณา อนญฺสรณา"ติ. โยนีติ การณํ "โยนิ เหสา ภูมิช
ผลสฺส อธิคมายา"ติอาทีสุ ๒- วิย. กึปโหติกาติ กึปภุติกา, กุโต ปภวนฺตีติ
อตฺโถ. รูปสฺส เตฺววาติ อิทํ เตสํเยว โสกาทีนํ ปหานทสฺสนตฺถํ อารทฺธํ.
น ปริตสฺสตีติ น คณฺหาติ น คหติ ๓- . ตทงฺคนิพฺพุโตติ เตน วิปสฺสนงฺเคน
กิเลสานํ ๔- นิพฺพุตตฺตา ตทงฺคนิพฺพุโต. อิมสฺมึ สุตฺเต วิปสฺสนาว กถิตา. ปมํ.
                        ๒. ปฏิปทาสุตฺตวณฺณนา
    [๔๔] ทุติเย ทุกฺขสมุทยคามินี สมนุปสฺสนาติ ยสฺมา สกฺกาโย ทุกฺขํ,
ตสฺส จ สมุทยคามินี ปฏิปทา นาม "รูปํ อตฺตโต สมนุปสฺสตี"ติ เอวํ
ทิฏฺิสมนุปสฺสนา วุตฺตา, ตสฺมา ทุกฺขสมุทยคามินี สมนุปสฺสนาติ อยเมตฺถ อตฺโถ
โหติ. ทุกฺขนิโรธคามินี สมนุปสฺสนาติ เอตฺถ สห วิปสฺสนาย จตุมคฺคาณํ
"สมนุปสฺสนา"ติ วุตฺตํ. อิติ อิมสฺมึ สุตฺเต วฏฺฏวิวฏฺฏํ กถิตํ. ทุติยํ.
                         ๓. อนิจฺจสุตฺตวณฺณนา
    [๔๕] ตติเย สมฺมปฺปญฺาย ทฏฺพฺพนฺติ สห วิปสฺสนาย มคฺคปญฺาย
ทฏฺพฺพํ. วิรชฺชติ วิมุจฺจตีติ มคฺคกฺขเณ วิรชฺชติ, ผลกฺขเณ วิมุจฺจติ. อนุปาทาย
อาสเวหีติ อนุปฺปาทนิโรเธน นิรุทฺเธหิ อาสเวหิ อคฺคเหตฺวา อิติ วิมุจฺจติ.
รูปธาตุยาติอาทิ ปจฺจเวกฺขณทสฺสนตฺถํ วุตฺตํ. สห ผเลน ปจฺจเวกฺขณทสฺสนตฺถนฺติ
วทนฺติเยว. ิตนฺติ อุปริ กตฺตพฺพกิจฺจภาเวน ิตํ. ิตตฺตา สนฺตุสิตนฺติ
@เชิงอรรถ: ๑ ขุ.ธ. ๒๕/๑๖๐/๔๕        ๒ ม.อุ. ๑๔/๒๒๖/๑๙๒
@๓ สี. น คณฺหติ น ภายติ      ๔ สี. โสกานํ.


เนื้อความอรรถกถาฉบับภาษาบาลี อักษรไทย เล่มที่ ๑๒ หน้าที่ ๒๙๕.
http://84000.org/tipitaka/read/attha_page.php?book=12&page=295&pages=1&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=12&A=6490&pagebreak=1
http://84000.org/tipitaka/atthapali/th_line.php?B=12&A=6490&pagebreak=1#p295