ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบไทย
อรรถกถาเล่มที่ ๑๒ ภาษาบาลี อักษรไทย สํ.อ. (สารตฺถ.๒)

หน้าที่ ๓๔๘.

                         (๑๐) ๕. ปุปฺผวคฺค
                          ๑. นทีสุตฺตวณฺณนา
    [๙๓] ปุปฺผวคฺคสฺส ปเม ปพฺพเตยฺยาติ ปพฺพเต ปวตฺตา. โอหารินีติ
โสเต ปติตปติตานิ ติณปณฺณกฏฺาทีนิ เหฏฺาหารินิ. ทูรงฺคมาติ นิกฺขนฺตฏฺานโต
ปฏฺาย จตุปญฺจโยชนสตคามินี. สีฆโสตาติ จณฺฑโสตา. กาสาติอาทีนิ สพฺพานิ
ติณชาตานิ. รุกฺขาติ เอรณฺฑาทโย ทุพฺพลรุกฺขา. เต นํ อชฺโฌลมฺเพยฺยุนฺติ เต
ตีเร ชาตาปิ โอนมิตฺวา อคฺเคหิ อุทกํ ผุสฺสนฺเตหิ อธิโอลมฺเพยฺยุํ, อุปริ
ลมฺเพยฺยุนฺติ อตฺโถ. ปลุชฺเชยฺยุนฺติ สมูลมตฺติกาย สทฺธึ สีเส ปเตยฺยุํ. โส
เตหิ อชฺโฌตฺถโฏ วาลุกมตฺติโกทเกหิ มุขํ ปวิสนฺเตหิ มหาวินาสํ ปาปุเณยฺย.
    เอวเมว โขติ เอตฺถ โสเต ปติตปุริโส วิย วฏฺฏสนฺนิสฺสิโต ๑-
พาลปุถุชฺชโน ทฏฺพฺโพ, อุภโตตีเร กาสาทโย วิย ทุพฺพลปญฺจกฺขนฺธา,
"อิเม คหิตาปิ มํ ธาเรตุํ ๒- น สกฺขิสฺสนฺตี"ติ ตสฺส ปุริสสฺส อชานิตฺวา
คหณํ วิย อิเม ขนฺธา "น มยฺหํ สหายา"ติ พาลปุถุชฺชนสฺส อชานิตฺวา
จตูหิ คาเหหิ คหณํ, คหิตคหิตานํ ปลุชฺชนตฺตา ๓- ปุริสสฺส พฺยสนปฺปตฺติ วิย
จตูหิ คาเหหิ คหิตานํ ขนฺธานํ วิปริณาเม พาลปุถุชฺชนสฺส โสกาทิพฺยสนุปฺปตฺติ
เวทิตพฺพา. ปมํ.
                         ๒. ปุปฺผสุตฺตวณฺณนา
    [๙๔] ทุติเย วิวทตีติ "อนิจฺจํ ทุกฺขํ อนตฺตา อสุภนฺ"ติ ยถาสภาเวน
วทนฺเตน สทฺธึ "นิจฺจํ สุขํ อตฺตา สุภนฺ"ติ วทนฺโต วิวทติ. โลกธมฺโมติ
ขนฺธปญฺจกํ. ตํ หิ ลุชฺชนสภาวตฺตา โลกธมฺโมติ วุจฺจติ. กินฺติ กโรมีติ กถํ
@เชิงอรรถ:  ม. วฏฺฏชลสนฺนิสฺสิโต           สี.,ม. ปตาเรตุํ
@ สี. ปลุชฺชนตาย, ก. ปลุตฺตตฺตา



เนื้อความอรรถกถาฉบับภาษาบาลี อักษรไทย เล่มที่ ๑๒ หน้าที่ ๓๔๘. http://84000.org/tipitaka/read/attha_page.php?book=12&page=348&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=12&A=7687&pagebreak=1 http://84000.org/tipitaka/atthapali/th_line.php?B=12&A=7687&pagebreak=1#p348


จบการแสดงผล หน้าที่ ๓๔๘.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]