บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 12 : PALI ROMAN Sam.A. (sarattha.2) Page 44.
Timbarukkhaadimhiyeva evam sati paccha ya purimapakkhe karakavedana, sa ucchinna. Taya 1- pana katam anno vedayatiti evam uppannaya ucchedaditthiya saddhim sampayuttaya vedanaya abhitunnassa sato "paramkatam sukhadukkhan"ti ayam laddhi hoti. Evanca vadanto karako ucchinno, annena patisandhi gahitati ucchedam dipeti, ucchedam ganhati. Kasma? tassa hi tam dassanam etam pareti, etam ucchedam upagacchatiti attho. Idhapi hi imani padani atthakathayam aharitva yojitaneva. Iti 2- imasmim sutte vedanasukhadukkham kathitam, tanca kho vipakasukhadukkhameva vattatiti vuttam. Atthamam. 9. Balapanditasuttavannana [19] Navame avijjanivaranassati avijjaya nivaritassa. Evamayam kayo samudagatoti evam avijjaya nivaritatta tanhaya ca sampayuttattayeva ayam kayo nibbatto. Ayanceva kayoti ayancassa attano savinnanako kayo. Bahiddha ca namarupanti bahiddha ca paresam savinnanako kayo. Attano ca parassa ca pancahi khandhehi chahi ayatanehi capi ayam attho dipetabbo. Itthetam dvayanti evametam dvayam. Dvayam paticca phassoti annattha cakkhurupadini dvayani paticca cakkhusamphassadayo vutta, idha pana cha ajjhattikabahirani ayatanani. Mahadvayannama kiretam. Salevayatananiti saleva phassayatanani phassakaranani. Yehi phutthoti yehi karanabhutehi ayatanehi uppannena phassena phuttho. Annatarenati ettha paripunnaparipunnavasena 3- annatarata veditabba. Tatrati tasmim balapanditanam kayanibbattanadimhi. Ko adhippayasoti ko adhikapayogo. @Footnote: 1 Si. sayam 2 cha.Ma. ayam saddo na dissati 3 cha.Ma. paripunnavasenaThe Pali Atthakatha in Roman Character Volume 12 Page 44. http://84000.org/tipitaka/read/attha_page.php?book=12&page=44&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=12&A=970&modeTY=2&pagebreak=1 http://84000.org/tipitaka/atthapali/rm_line.php?B=12&A=970&modeTY=2&pagebreak=1#p44
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]