อรรถกถาเล่มที่ ๑๓ หน้าที่ ๒๐๑.

๕. กุมฺภสุตฺตวณฺณนา [๑๕๓] กุมฺโภติ อุทกฆโฏ. โน ปจฺจาวมตีติ น ปติอาวมติ, น อนฺโต ปเวเสตีติ อตฺโถ. ๗. อากาสสุตฺตวณฺณนา [๑๕๕] ปุรตฺถิมาติ ปุรตฺถิมทิสโต อาคตวาตา. ปจฺฉิมทิสาทีสุปิ เอเสว นโย. จตฺตาโรปิ สติปฏฺฐานาติ ยเถว หิ เอเตสํ ปุรตฺถิมาทิเภทานํ วาตานํ สนฺนิปาโต อากาเส อิชฺฌติ, เอวํ อิธาปิ "จตฺตาโร สติปฏฺฐานา"ติอาทินา นเยน วุตฺตา โพธิปกฺขิยธมฺมา สหวิปสฺสนสฺส อริยมคฺคสฺส ภาวนาย อิชฺฌนฺติ, เตเนตํ วุตฺตํ. ๘-๙. ปฐมเมฆสุตฺตาทิวณฺณนา [๑๕๖-๑๕๗] คิมฺหานํ ปจฺฉิเม มาเสติ อาสาฬฺหมาเส. อูหตนฺติ ทฺวิปทจตุปฺปทานํ ปาทปฺปหาเรน ปฐวีตเล อุฏฺฐหิตฺวา อุทฺธํ คตํ วฏฺฏิวฏฺฏิ หุตฺวา อากาเส ปกฺขนฺตํ. รโชชลฺลนฺติ ปํสุรโชชลฺลํ. ๑๐. นาวาสุตฺตวณฺณนา [๑๕๘] สามุทฺทิกาย นาวายาติอาทิ ปน ^๑- เหฏฺฐา วานิชโกปเม วิตฺถาริตเมว. ๑๑-๑๒. อาคนฺตุกสุตฺตาทิวณฺณนา [๑๕๙-๑๖๐] อาคนฺตุกาคารนฺติ ปุญฺญตฺถิเกหิ นครมชฺเฌ กตํ อาคนฺตุกฆรํ, ยตฺถ ราชราชมหามตฺเตหิปิ สกฺกา โหติ นิวาสํ อุปคนฺตุํ. อภิญฺญา ปริญฺเญยฺยาติ @เชิงอรรถ: ^๑ ฉ.ม. อยํ สทฺโท น ทิสฺสติ

เนื้อความอรรถกถาฉบับภาษาบาลี อักษรไทย เล่มที่ ๑๓ หน้าที่ ๒๐๑. http://84000.org/tipitaka/read/attha_page.php?book=13&page=201&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=13&A=4372&modeTY=2&pagebreak=1 http://84000.org/tipitaka/atthapali/th_line.php?B=13&A=4372&modeTY=2&pagebreak=1#p201