อรรถกถาเล่มที่ ๑๓ ภาษาบาลี อักษรไทย
สํ.อ. (สารตฺถ.๓)
หน้าที่ ๓๒๔.

                      ๕. ปฐมปุพฺพารามสุตฺตวณฺณนา
    [๕๑๕] ปญฺจเม ตทนฺวยาติ ตํ อนุคจฺฉมานา, อนุวตฺตมานาติ อตฺโถ.
ปุพฺพโกฏฺฐกํ อาทึ กตฺวา ปฏิปาฏิยา ฉสุ สุตฺเตสุ ผลินฺทฺริยาเนว กถิตานิ.
                        ๑๐. อาปณสุตฺตวณฺณนา
    [๕๒๐] ทสเม อิเม โข เต ธมฺมาติ อุปริ สห วิปสฺสนาย ตโย
มคฺคา. เย เม ปุพฺเพ สุตาว อเหสุนฺติ เย ธมฺมา มยา ปุพฺเพ "อรหตฺตผลินฺทฺริยํ
นาม อตฺถี"ติ กเถนฺตานํเยว สุตา อเหสุํ. กาเยน จ ผุสิตฺวาติ นามกาเยน
จ ผุสิตฺวา ปฏิลภิตฺวา. ปญฺญาย จ อติวิชฺฌ ปสฺสามีติ ปจฺจเวกฺขณปญฺญาย
จ อติวิชฺฌิตฺวา ปสฺสามิ. ยา หิสฺส ภนฺเต สทฺธาติ อยํ กตรสทฺธา?
จตูหิ อินฺทฺริเยหิ สมฺปยุตฺตา สทฺธา เหฏฺฐา กถิตาว, อยํ ปน ปจฺจเวกฺขณสทฺธา.
สมฺปยุตฺตสทฺธาหิ มิสฺสกา, ปจฺจเวกฺขณสทฺธา โลกิยาว. เสสํ สพฺพํ อุตฺตานเมวาติ.
                         ชราวคฺโค ปญฺจโม.
                         --------------
                           ๖. สูกรขตวคฺค
                         ๑. สาลสุตฺตวณฺณนา
    [๕๒๑] ฉฏฺฐวคฺคสฺส ปฐเม สูเรนาติ สูรภาเวน. โพธายาติ
พุชฺฌนตฺถาย.
                         ๒. มลฺลิกสุตฺตวณฺณนา
    [๕๒๒] ทุติเย มลฺลิเกสูติ เอวํนามเก ชนปเท. อิมสฺมึ สุตฺเต
จตฺตารินฺทฺริยานิ มิสฺสกานิ, อริยญาณํ โลกุตฺตรํ ตมฺปิ ปน จตุอินฺทฺริยนิสฺสิตํ
กตฺวา มิสฺสกนฺติ ภาเชตุํ วฏฺฏติ.


เนื้อความอรรถกถาฉบับภาษาบาลี อักษรไทย เล่มที่ ๑๓ หน้าที่ ๓๒๔.
http://84000.org/tipitaka/read/attha_page.php?book=13&page=324&pages=1&modeTY=2&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=13&A=7072&modeTY=2&pagebreak=1
http://84000.org/tipitaka/atthapali/th_line.php?B=13&A=7072&modeTY=2&pagebreak=1#p324