บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 13 : PALI ROMAN Sam.A. (sarattha.3) Page 140.
Sankharanam aniccata, vedananampi sa aniccatava. Aniccata ca namesa maranam, maranato uttarim dukkham nama natthiti imina adhippayena sabbavedana dukkhati vutta. Athakho pana bhikkhu mayati idam na kevalam aham vedananamyeva nirodham pannapemi, imesampi dhammanam nirodham pannapemiti dassanattham araddham. Vupasamo ca passaddhiyo ca evarupaya desanaya bujjhanakanam ajjhasayena vutta. Sannavedayitanirodhaggahanena cettha cattaro aruppa gahitava hontiti veditabba. 2-3. Pathamaakasasuttadivannana [260-261] Dutiye puthu vayanti malutati bahu vata vayanti. Sesam uttanatthamevati. Tatiyam vina gathahi bujjhantanam ajjhasayena vuttam. 4. Agarasuttavannana [262] Catutthe puratthimati puratthimaya. Evam sabbattha. Samisapi sukha vedanatiadisu samisa sukha nama kamamisapatisamyutta vedana, niramisa sukha nama pathamajjhanadivasena vipassanavasena ca anussativasena ca uppannavedana. Samisa dukkha nama kamamiseneva samisa vedana, niramisa dukkha nama anuttaresu vimokkhesu piham upatthapayato pihapaccaya uppannadomanassavedana. Samisa adukkhamasukha nama kamamiseneva samisa vedana, niramisa adukkhamasukha nama catutthajjhanavasena uppanna adukkhamasukha vedana. 5-8. Pathamaanandasuttadivannana [263-266] Pancamadini cattari hettha kathitanayaneva. Purimani panettha dve paripunnapassaddhikani, pacchimani upaddhapassaddhikani. Desanaya bujjhanakanam ajjhasayena vuttani.The Pali Atthakatha in Roman Character Volume 13 Page 140. http://84000.org/tipitaka/read/attha_page.php?book=13&page=140&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=13&A=3068&modeTY=2&pagebreak=1 http://84000.org/tipitaka/atthapali/rm_line.php?B=13&A=3068&modeTY=2&pagebreak=1#p140
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]