"rupanam tveva aniccatam viditva viparinamaviraganirodham `pubbe ceva rupa
etarahi ca, sabbe te rupa anicca dukkha viparinamadhamma'ti evametam yathabhutam
sammappannaya passato uppajjati upekkha. Ya evarupa upekkha, rupam sa
ativattati, tasma sa upekkha nekkhammasitati vuccati"ti evam chasu dvaresu
itthadiarammane apathagate itthe arajjantassa anitthe adussantassa
asamapekkhane amuyhantassa uppanna vipassana nanasampayutta upekkha
cha nekkhammasitaupekkha nama. Imasmim sutte sabbasangahako catubhumakadhammaparicchedo
kathito. Tatiyadini uttanatthaneva.
11. Niramisasuttavannana
[279] Ekadasame samisati kilesamisena samisa. Niramisatarati
niramisayapi jhanapitiya niramisatarava. Nanu ca dvisu jhanesu pitimahaggatapi hoti
lokuttarapi, paccavekkhanapiti lokiyava, sa kasma niramisatara jatati?
santapanitadhammapaccavekkhanavasena uppannatta. Yatha hi rajavallabho culupatthako
appatiharikam yathasukham rajakulam pavisanto setthisenapatiadayo padena paharantopi
na ganeti. Kassa? ranno asannaparicarakatta. iti so tehi uttaritaro
hoti, evamayampi santapanitadhammapaccavekkhanavasena uppannatta lokuttarapititopi
uttaritarati veditabba. Sesavaresupi eseva nayo.
Vimokkhavare pana rupapatisamyutto vimokkho attano arammanabhutena
rupamisavaseneva samiso nama, arupapatisamyutto arupamisabhavena 1- niramiso
namati.
Vedanasamyuttavannana nitthita.
---------------
@Footnote: 1 cha.Ma. rupamisabhavena
The Pali Atthakatha in Roman Character Volume 13 Page 146.
http://84000.org/tipitaka/read/attha_page.php?book=13&page=146&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=13&A=3199&modeTY=2&pagebreak=1
http://84000.org/tipitaka/atthapali/rm_line.php?B=13&A=3199&modeTY=2&pagebreak=1#p146
