ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบไทย
อรรถกถาเล่มที่ ๑๓ ภาษาบาลี อักษรไทย สํ.อ. (สารตฺถ.๓)

หน้าที่ ๑๕.

ปิยชาติกา. กามูปสญฺหิตาติ อารมฺมณํ กตฺวา อุปฺปชฺชมาเนน กาเมน อุปสญฺหิตา.
รชนียาติ รญฺชนียา, ราคุปฺปตฺติการณภูตาติ อตฺโถ. นนฺทีติ ตณฺหานนฺที.
สญฺโโคติ สญฺโชนํ. นนฺทิสญฺโชนสํยุตฺโตติ นนฺทีพนฺธเนน พทฺโธ.
อรญฺวนปตฺถานีติ อรญฺานิ จ วนปตฺถานิ จ. ตตฺถ กิญฺจาปิ อภิธมฺเม
นิปฺปริยาเยน "นิกฺขมิตฺวา พหิ อินฺทขีลา สพฺพเมตํ อรญฺนฺ"ติ ๑- วุตฺตํ, ตถาปิ
ยนฺตํ "ปญฺจธนุสติกํ ปจฺฉิมนฺ"ติ ๒- อรญฺกงฺคนิปฺผาทกํ เสนาสนํ วุตฺตํ. ตเทว
อธิปฺเปตนฺติ เวทิตพฺพํ. วนปตฺถนฺติ คามนฺตํ อติกฺกมิตฺวา มนุสฺสานํ
อนุปจารฏฺานํ, ยตฺถ น กสิยติ น วปิยติ. วุตฺตมฺปิ เจตํ:-
                     "วนปตฺถนฺติ ทูรานเมตํ เสนาสนานํ อธิวจนํ.
              วนปตฺถนฺติ วนสณฺานเมตํ, วนปตฺถนฺติ ภึสนกานเมตํ,
              วนปตฺถนฺติ สโลมหํสานเมตํ, วนปตฺถนฺติ ปริยนฺตานเมตํ,
              วนปตฺถนฺติ อมนุสฺสูปจารานํ เสนาสนานเมตํ อธิวจนนฺ"ติ. ๓-
            เอตฺถ ปริยนฺตานนฺติ อิมํ เอกํ ปริยายํ เปตฺวา เสสปริยาเยหิ
วนปตฺถนานิ เวทิตพฺพานิ. ปนฺตานีติ ปริยนฺตานิ อติทูรานิ. อปฺปสทฺทานีติ
อุทุกฺขลมุสลทารกสทฺทาทีนํ ๔- อภาเวน อปฺปสทฺทานิ. อปฺปนิคฺโฆสานีติ เตสํ
เตสํ นินฺนาทมหานิคฺโฆสสฺส อภาเวน อปฺปนิคฺโฆสานิ. วิชนวาตานีติ
สญฺจรณชนสฺส สรีรวาตวิรหิตานิ. มนุสฺสราหเสยฺยกานีติ มนุสฺสานํ รโห กมฺมสฺส
อนุจฺฉวิกานิ. ปฏิสลฺลานสารุปฺปานีติ นิลียนสารุปฺปานิ.
                       ๒. ทุติยมิคชาลสุตฺตวณฺณนา
            [๖๔] ทุติเย นนฺทินิโรธา ทุกฺขนิโรโธติ ตณฺหานนฺทิยา นิโรเธน
วฏฺฏทุกฺขสฺส นิโรโธ.
@เชิงอรรถ:  อภิ.วิ. ๓๕/๕๒๙/๓๐๒     วิ. มหาวิ. ๒/๖๕๔/๙๗
@ อภิ.วิ. ๓๕/๕๓๑/๓๐๓     สี.....สราวาทิสทฺทานํ



เนื้อความอรรถกถาฉบับภาษาบาลี อักษรไทย เล่มที่ ๑๓ หน้าที่ ๑๕. http://84000.org/tipitaka/read/attha_page.php?book=13&page=15&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=13&A=309&pagebreak=1 http://84000.org/tipitaka/atthapali/th_line.php?B=13&A=309&pagebreak=1#p15


จบการแสดงผล หน้าที่ ๑๕.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]