อรรถกถาเล่มที่ ๑๓ ภาษาบาลี อักษรไทย
สํ.อ. (สารตฺถ.๓)
หน้าที่ ๑๕๑.

                         ๖. โมคฺคลฺลานสํยุตฺต
                    ๑-๘. ปมฌานปญฺหาสุตฺตาทิวณฺณนา
    [๓๓๒-๓๓๙] โมคฺคลฺลานสํยุตฺเต กามสหคตาติ ปญฺจนีวรณสหคตา.
ตสฺส หิ ปมชฺฌานา วุฏฺิตสฺส ปญฺจ นีวรณานิ สนฺตโต อุปฏฺหึสุ. เตนสฺส
ตํ ปมชฺฌานํ หานภาคิยํ นาม อโหสิ. ตํ ปมาทํ ตฺวา สตฺถา "มา
ปมาโท"ติ โอวาทํ อทาสิ. ทุติยชฺฌานาทีสุปิ อิมินาว นเยน อตฺโถ เวทิตพฺโพ.
อารมฺมณสหคตเมว เหตฺถ "สหคตนฺ"ติ วุตฺตํ.
                      ๙. อนิมิตฺตปญฺหาสุตฺตวณฺณนา
     [๓๔๐] อนิมิตฺตํ เจโตสมาธินฺติ นิจฺจนิมิตฺตาทีนิ ปหาย ปวตฺตํ
วิปสฺสนาสมาธิเยว สนฺธาเยตํ วุตฺตนฺติ. นิมิตฺตานุสาริวิญฺาณํ โหตีติ เอวํ
อิมินา วิปสฺสนาสมาธิวิหาเรน วิหรโต วิปสฺสนาาเณ ติกฺเข สูเร วหมาเน. ยถา
นาม ปุริสสฺส ติขิเณน ผรสุนา รุกฺขํ ฉินฺทนฺตสฺส "สุฏฺุ วต เม ผรสุ วหตี"ติ
ขเณ เขเณ ผรสุธารํ โอโลเกนฺตสฺส เฉชฺชกิจฺจํ น นิปฺผชฺชติ, เอวํ เถรสฺสาปิ
"สูรํ วต เม หุตฺวา าณํ วหตี"ติ วิปสฺสนํ อารพฺภ นิกนฺติ อุปฺปชฺชติ,
อถ วิปสฺสนากิจฺจํ สาเธตุํ นาสกฺขิ. ตํ สนฺธาย วุตฺตํ "นิมิตฺตานุสาริวิญฺาณํ
โหตี"ติ. สพฺพนิมิตฺตานํ อมนสิการา อนิมิตฺตํ เจโตสมาธึ อุปสมฺปชฺช วิหาสินฺติ
สพฺเพสํ นิจฺจสุขอตฺตนิมิตฺตานํ อมนสิกาเรน อนิมิตฺตํ วุฏฺานคามินิวิปสฺสนา-
สมฺปยุตฺตํ เจโตสมาธึ นิพฺพานารมฺมณํ อุปริ มคฺคผลสมาธึ อุปสมฺปชฺช วิหาสึ.
                      ๑๐-๑๑. สกฺกสุตฺตาทิวณฺณนา
    [๓๔๑-๓๔๒] อเวจฺจปฺปสาเทนาติ อจลปฺปสาเทน. ทสหิ าเนหีติ ทสหิ
การเณหิ. อธิคณฺหนฺตีติ อภิภวนฺติ, อติกฺกมิตฺวา ติฏฺนฺติ. เสสํ สพฺพตฺถ
อุตฺตานตฺถเมวาติ.
                    โมคฺคลฺลานสํยุตฺตวณฺณนา นิฏฺิตา.
                         --------------


เนื้อความอรรถกถาฉบับภาษาบาลี อักษรไทย เล่มที่ ๑๓ หน้าที่ ๑๕๑.
http://84000.org/tipitaka/read/attha_page.php?book=13&page=151&pages=1&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=13&A=3301&pagebreak=1
http://84000.org/tipitaka/atthapali/th_line.php?B=13&A=3301&pagebreak=1#p151