บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 13 : PALI ROMAN Sam.A. (sarattha.3) Page 154.
Kataparikammassa parikammanantarena mahaggataadhitthanacitteneva tam ijjhati. Okasesiti 1- vippakiri. 5. Pathamakamabhusuttavannana [347] Pancame nelangoti niddoso, setapacchadoti setapaticchadano. Anighanti niddukkham. Muhuttam tunhi hutvati tassa atthapekkhanattham tini pitakani kanne kundalam viya sancalento "ayam imassa attho, ayam imassa attho"ti upaparikkhanattham muhuttam hutva tunhi hutva. Vimuttiyati arahattaphalavimuttiya. Imam pana panham kathento upasako dukkaram akasi. Sammasambuddho hi "passatha no tumhe bhikkhave etam bhikkhum agacchantam odatakam tanukam tunganasikan"ti 2- attano ditthena kathesi. Ayam ca nayaggahena "arahato etam adhivacanan"ti aha. 6. Dutiyakamabhusuttavannana * [348] Chatthe kati nu kho bhante sankharati ayam kira gahapati nirodham valanjeti, tasma "nirodhapadake sankhare pucchissami"ti cintetva evamaha. Theropissa adhippayam natva punnabhisankharadisu anekesu sankharesu vijjamanesupi kayasankharadayova acikkhanto tayo kho gahapatitiadimaha. Tattha kayapatibaddhatta kayena sankhariyati nibbattiyatiti kayasankharo. Vacaya sankharoti karoti nibbattetiti 3- vacisankharo cittapatibaddhatta cittena sankhariyati nibbattiyatiti cittasankharo. @Footnote: 1 Si. otasedhiti 2 sam. ni. 16/245/269 @ * atthakathasu vedallangappakasanatthane "sankharabhajaniyan"ti imassa namam gahitam @3 Si. sankhariyati nibbattiyatiti (pa.su. 2/463/272)The Pali Atthakatha in Roman Character Volume 13 Page 154. http://84000.org/tipitaka/read/attha_page.php?book=13&page=154&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=13&A=3368&modeTY=2&pagebreak=1 http://84000.org/tipitaka/atthapali/rm_line.php?B=13&A=3368&modeTY=2&pagebreak=1#p154
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]