อรรถกถาเล่มที่ ๑๓ หน้าที่ ๑๖๒.

อุปวาทโมจนตฺถญฺเจว วาทาโรปนตฺถญฺจ. นิคณฺา กิร "สมณสฺส โคตมสฺส สาวกา ถทฺธขทิรขาณุกสทิสา, เกนจิ สทฺธึ ปฏิสนฺถารมฺปิ น กโรนฺตี"ติ อุปวทนฺติ, ตสฺส อุปวาทสฺส โมจนตฺถญฺจ, "วาทญฺจสฺส อาโรเปสฺสามี"ติ อุปสงฺกมิ. น ขฺวาหํ เอตฺถ ภนฺเต ภควโต สทฺธาย คจฺฉามีติ ยสฺส าเณน อสจฺฉิกตํ โหติ, โส "เอวํ กิเรตนฺ"ติ อญฺสฺส สทฺธาย คจฺเฉยฺย, มยา ปน าเณเนตํ สจฺฉิกตํ, ตสฺมา นาหํ เอตฺถ ภควโต สทฺธาย คจฺฉามีติ ทีเปนฺโต เอวมาห. โอโลเกตฺวาติ ^๑- กายํ อุนฺนาเมตฺวา กุจฺฉึ นีหริตฺวา คีวํ ปคฺคยฺห สพฺพํ ทิสํ ^๒- เปกฺขมาโน โอโลเกตฺวา. พาเธตพฺพํ มญฺเยฺยาติ ยถา วินิวิชฺฌิตฺวา น นิกฺขมติ, เอวํ ปฏิพาหิตพฺพํ มญฺเยฺย พนฺธิตพฺพํ วา. สหธมฺมิกาติ สกรณา. อถ มํ ปฏิหเรยฺยาสิ สทฺธึ นิคณฺปริสายาติ เอเตสํ อตฺเถ าเต อถ เม นิคณฺปริสาย สทฺธึ อธิคจฺเฉยฺยาสิ, ปตีหารสฺส เม สนฺติกํ อาคนฺตฺวา อตฺตโน อาคตภาวํ ชานาเปยฺยาสีติ อตฺโถ. เอโก ปโญฺหติ เอโก ปญฺหมคฺโค, เอกํ ปญฺหคเวสนนฺติ อตฺโถ. เอโก อุทฺเทโสติ เอกํ นาม กินฺติ อยํ เอโก อุทฺเทโส. เอกํ เวยฺยากรณนฺติ "สพฺเพ สตฺตา อาหารฏฺิติกา"ติ ^๓- อิทํ เอกํ เวยฺยากรณํ. เอวํ สพฺพตฺถ อตฺโถ เวทิตพฺโพ. ๙. อเจลกสฺสปสุตฺตวณฺณนา [๓๕๑] นวเม กีวจิรํ ปพฺพชิตสฺสาติ กีวจิโร กาโล ปพฺพชิตสฺสาติ อตฺโถ. อุตฺตริมนุสฺสธมฺโมติ มนุสฺสธมฺโม นาม ทสกุสลกมฺมปถา, ตโต มนุสฺสธมฺมโต อุตฺตรึ. อลมริยาณทสฺสนวิเสโสติ อริยภาวํ กาตุํ สมตฺถตาย @เชิงอรรถ: ^๑ ฉ.ม. อุลฺโลเกตฺวา ^๒ สี.,ก. สพฺพทิสาส @^๓ องฺ. ทสก. ๒๔/๒๗/๔๑, ขุ.ขุ. ๒๕/๑/๓

เนื้อความอรรถกถาฉบับภาษาบาลี อักษรไทย เล่มที่ ๑๓ หน้าที่ ๑๖๒. http://84000.org/tipitaka/read/attha_page.php?book=13&page=162&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=13&A=3542&pagebreak=1 http://84000.org/tipitaka/atthapali/th_line.php?B=13&A=3542&pagebreak=1#p162