Pahaso nama nirayoti visum pahasanamako nirayo nama natthi, avicisseva
pana ekasmim kotthase naccanta viya gayanta viya ca natavesam gahetvava
paccanti, tam sandhayetam vuttam. Naham bhante etam rodamiti aham bhante etam
bhagavato byakaranam na rodamiti evam sakammakavasenettha attho veditabbo, na
assuvimocanamattena. "matam va amma rodanti"tiadayo cettha annepi vohara
veditabba.
3-5. Yodhajivasuttadivannana
[355-357] Tatiye yodhajivoti yuddhena jivitam kappanako dhammasangahakattherehi
evam gahitanamo. Ussahati vayamatiti ussaham vayamam karoti. Pariyapadentiti maranam
patipajjapenti. Dukkatanti dutthu katam. Duppanihitanti dutthu thapitam. Parajito 1-
nama nirayoti ayampi na visum eko nirayo, avicisseva pana ekasmim kotthase
pancavudhasannaddha phalakahattha hatthiassarathe aruyha sangame yujjhanta viya
paccanti, tam sandhayetam vuttam. Catutthapancamesupi eseva nayo.
6. Asibandhakaputtasuttavannana
[358] Chatthe pacchabhumakati pacchabhumivasino. Kamandalukati sakamandaluno.
Sevalamalikati patova udakato sevalanceva uppaladini ca gahetva
udakasuddhikabhavajananatthaya malam katva pilandhanaka. Udakorohakati sayam patam udakam
orohanaka. Uyyapentiti upari yapenti. Sannapentiti samma napenti.
Saggam nama okkapentiti parivaretva thita "gaccha bho brahmalokam, gaccha bho
brahmalokan"ti vadanta saggam pavesenti. Anuparisakkeyyati anuparigaccheyya.
Ummajjati ummajja utthaha. Thalamuplavati thalam abhiruyha. Tatra yassati tatra
yam bhaveyya. Sakkhara va kathala vati sakkhara ca kathala ca. Sa adhogami assati
sa adho gaccheyya, hetthagami bhaveyya. Adho gacchati hettha gaccha.
@Footnote: 1 Si.,ka. sarajito
The Pali Atthakatha in Roman Character Volume 13 Page 165.
http://84000.org/tipitaka/read/attha_page.php?book=13&page=165&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=13&A=3606&modeTY=2&pagebreak=1
http://84000.org/tipitaka/atthapali/rm_line.php?B=13&A=3606&modeTY=2&pagebreak=1#p165
