Avoca. Ekamsenetanti etam pancakamagunapakappanam assamanadhammo asakyaputtiyadhammoti
ekamsena dhareyyasi.
Tinanti senasanachadanatinam. Pariyesitabbanti tinacchadane va itthakacchadane
va gehe palujjante yehi tam karitam, tesam santikam gantva "tumhehi
karitasenasanam ovassati, na sakka tattha vasitun"ti acikkhitabbam. Manussa
sakkonta karissanti, asakkonta "tumhe vaddhakim gahetva karapetha, mayam
te sannapessama"ti vakkhanti. Evam vutte karetva tesam acikkhitabbam.
Manussa vaddhakinam databbam dassanti. Sace avasasamika natthi, annesampi
bhikkhacaravattena arocetva karetum vattati. Idam sandhaya "pariyesitabban"ti
vuttam.
Darunti senasane gopanasiadisu palujjamanesu tadatthaya darum.
Sakatanti gihivikatam katva tava kalikasakatam. Na kevalanca sakatameva, annampi
vasipharasukudaladiupakaranam evam pariyesitum vattati. Purisoti hatthakammavasena puriso
pariyesitabbo. Yankinci hi purisam "hatthakammam avuso katva dassasi"ti vatva
"dassami bhante"ti vutte "idancidanca karohi"ti yam icchati, tam karetum
vattati. Na tvevaham gamani kenaci pariyayenati jataruparajatam panaham kenacipi
karanena pariyesitabbanti na vadami.
11. Bhadrakasuttavannana
[363] Ekadasame mallesuti evamnamake janapade. Vadhenati maranena.
Janiyati dhanajaniya. Akalikena pattenati na kalantarena pattena, kalam
anatikkamitvava pattenati attho. Ciravasi nama kumaroti evamnamako tassa
The Pali Atthakatha in Roman Character Volume 13 Page 169.
http://84000.org/tipitaka/read/attha_page.php?book=13&page=169&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=13&A=3698&modeTY=2&pagebreak=1
http://84000.org/tipitaka/atthapali/rm_line.php?B=13&A=3698&modeTY=2&pagebreak=1#p169
