บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 13 : PALI ROMAN Sam.A. (sarattha.3) Page 174.
Ayam vo amhakam anusasaniti ayam amhakam santika "jhayatha ma pamadattha"ti tumhakam anusasani, ovadoti vuttam hoti. ---------------- 2. Dutiyavagga 1-33. Asankhatasuttadivannana [377-409] Kaye kayanupassitiadisu yam vattabbam, tam parato vakkhama. Anatantiadisu tanhanatiya 1- abhavena anatam. Catunnam asavanam abhavena anasavam. Paramatthasaccataya saccam. Vattassa parabhagatthena param sanhatthena nipunam. Sutthu duddasataya sududdasam. Jaraya ajaritatta ajajjaram. 2- Thiratthena dhuvam. Apalujjanataya apalokitam. Cakkhuvinnanena apassitabbatta anidassanam. Tanhamanaditthipapancanam abhavena nippapancam. Santabhavatthena santam. Maranabhavena amatam. Uttamatthena panitam. Sassirikatthena sivam. Nirupaddavataya khemam. Tanhakkhayassa paccayatta tanhakkhayam. Vimhapaniyatthena accharam paharitabbayuttakanti acchariyam. Abhutameva bhutam, 3- ajatam hutva atthiti 4- abbhutam. Niddukkhatta anitikam. Niddukkhasabhavatta anitikadhammam. Vanabhavena nibbanam. Byapajjhabhaveneva abyapajjham. Viragadhigamassa paccayato viragam. Paramatthasuddhitaya suddhi. Tihi bhavehi muttataya mutti. Kamalayanam abhavena analayam. Patitthatthena dipam. Alliyitabbayuttatthena lenam. Tayanatthena tanam. Bhayasaranatthena saranam. Bhayanasananti attho. Param ayanam gati patitthati parayanam. Sesamettha vuttanayamevati. Asankhatasamyuttavannana nitthita ---------- @Footnote: 1 Si.,ka. tanharatiya 2 Si. ajajjaritatta ajaram, ka. ajjajjaritatta ajajjaram @3 Si.,ka. abbhutam 4 Si. atthiti vaThe Pali Atthakatha in Roman Character Volume 13 Page 174. http://84000.org/tipitaka/read/attha_page.php?book=13&page=174&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=13&A=3791&modeTY=2&pagebreak=1 http://84000.org/tipitaka/atthapali/rm_line.php?B=13&A=3791&modeTY=2&pagebreak=1#p174
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]