ATTHAKATHA Book 13 : PALI ROMAN
Sam.A. (sarattha.3)
Page 191.

Ditthiyati micchathapitaya kammassakatapannaya. Avijjam bhindissatiti
catusaccapaticchadakam avijjam bhindissati. Vijjam uppadessatiti arahattamaggavijjam
uppadessati. Micchapanihitatta bhikkhave ditthiyati kammassakatapannaya ceva
maggabhavanaya ca micchathapitatta, appavattitattati attho. Imasmim sutte
kammassakatananam magganissitam katva missakamaggo kathito.
                        10. Nandiyasuttavannana
    [10] Dasame paribbajakoti channaparibbajako. Sesamettha uttanamevati.
                         Avijjavaggo pathamo.
                         ---------------
                           2. Viharavagga
                       1. Pathamaviharasuttavannana
    [11] Dutiyavaggassa pathame icchamaham bhikkhave addhamasam patisalliyitunti
aham bhikkhave ekam addhamasam patisalliyitum nisiditum ekova hutva viharitum
icchamiti attho. Namhi kenaci upasankamitabbo annatra ekena
pindapataniharakenati yo attana payuttam vacam akatva mamatthaya saddhesu kulesu
patiyattam pindapatam niharitva mayham upanameyya, tam pindapataniharanakam
ekam bhikkhum thapetva namhi annena kenaci bhikkhuna va gahatthena va
upasankamitabboti.
    Kasma pana evamahati? tasmim kira addhamase vinetabbo satto
Nahosi. Atha sattha "imam addhamasam phalasamapattisukhena vitinamessami, iti


The Pali Atthakatha in Roman Character Volume 13 Page 191.
http://84000.org/tipitaka/read/attha_page.php?book=13&page=191&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_rm.php?B=13&A=4158&modeTY=2&pagebreak=1
http://84000.org/tipitaka/atthapali/rm_line.php?B=13&A=4158&modeTY=2&pagebreak=1#p191