Micchavimuttiti ayathavavimutti aniyyanikavimutti. Imesu tatiyadisu catusu
suttesu vattavivattam kathitam, pacchimesu panettha dvisu puggalo pucchito dhammo
vibhatto, evam dhammena puggalo dassitoti. Suppavattiyoti suppavattaniyo. Yatha
icchiticchitam disam pavattento dhavati, evam pavattetum sakka hotiti attho.
Saupanisam saparikkharanti sapaccayam saparivaram. Sesam sabbattha uttanamevati.
Tatiyo vaggo.
-----------
4. Patipattivaggavannana
[31-40] Catutthe micchapatipattinti ayathavapatipattim. Micchapatipannanti
ayathavapatipannam. Iti ekam suttam dhammavasena kathitam, ekam puggalavasena.
Aparaparanti vattato nibbanam. Paragaminoti ettha yepi param gata, yepi
gacchanti, yepi gamissanti, sabbe paragaminotveva veditabba.
Tiramevanudhavatiti vattameva anudhavati, vatte vicarati. Kanhanti akusaladhammam.
Sukkanti kusaladhammam. Oka anokanti vattato nibbanam. Agammati arabbha
sandhaya paticca. Pariyodapeyyati parisuddham kareyya. Cittaklesehiti cittam
kilissapentehi nivaranehi. Sambodhiyangesuti sattasu bojjhangesu.
Samannatthanti nibbanam. Tam hi samannena upagantabbato samannatthoti
vuccati. Brahmannanti setthabhavam. Brahmannatthanti nibbanam brahmannena
upagantabbato. Yattha yattha pana hettha ca imesu ca tisu suttesu "ragakkhayo"ti
agatam, tattha tattha arahattampi vattatiyevati vadanti.
Catuttho vaggo.
------------
The Pali Atthakatha in Roman Character Volume 13 Page 196.
http://84000.org/tipitaka/read/attha_page.php?book=13&page=196&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=13&A=4264&modeTY=2&pagebreak=1
http://84000.org/tipitaka/atthapali/rm_line.php?B=13&A=4264&modeTY=2&pagebreak=1#p196
