อรรถกถาเล่มที่ ๑๓ หน้าที่ ๒๑๒.

วา กิเลสนิทฺทาโต ปพุชฺฌนตฺถาย, ผเลน ปพุชฺฌนภาวตฺถายาติปิ วุตฺตํ โหติ. เตเนเวตฺถ นิพฺพานสจฺฉิกิริยา กิเลสปฺปหานํ ปจฺจเวกฺขณาติ สพฺพํ ทสฺสิตํ. ๖-๗. กุณฺฑลิยสุตฺตาทิวณฺณนา [๑๘๗-๑๘๘] ฉฏฺเ อารามนิสาทีติ ^๑- อารามํ นิสฺสาย วสนภาเวน อารามนิสาที. ^๒- ปริสาวจโรติ ปริสาย อวจโร. ปริสํ นาม พาลาปิ ปณฺฑิตาปิ โอสรนฺติ, โย ปน ปรปฺปวาทํ มทฺทิตฺวา อตฺตโน วาทํ ทีเปตุํ สกฺโกติ, อยํ ปริสาวจโร นาม. อาราเมน อารามนฺติ อาราเมเนว อารามํ อนุจงฺกมามิ, น พาหิเรนาติ อตฺโถ. อุยฺยาเนน อุยฺยานนฺติ เอตฺถาปิ เอเสว นโย. ^๓- อญฺเน วา อาราเมน ปวิสิตฺวา อญฺ อารามํ, อญฺเนุยฺยาเนน อญฺ อุยฺยานนฺติ อยเมตฺถ อตฺโถ. อิติวาทปฺปโมกฺขานิสํสนฺติ "เอวํ ปุจฺฉา โหติ, เอวํ วิสฺสชฺชนํ, เอวํ คหณํ, เอวํ นิพฺเพนนฺ"ติ อิมินา นเยน อิติ วาโท โหติ อิติวาทปฺปโมกฺโขติ เอตํ อานิสํสํ. อุปารมฺภานิสํสนฺติ "อยํ ปุจฺฉาย โทโส, อยํ วิสฺสชฺชเน"ติ เอวํ วาทโทสานิสํสํ. กถํ ภาวิโต จ กุนฺฑลิย อินฺทฺริยสํวโรติ สตฺถา "เอตฺตกํ านํ ปริพฺพาชเกน ปุจฺฉิตํ, อิทานิ ปุจฺฉิตุํ น สกฺโกตี"ติ ตฺวา "น ตาว อยํ เทสนา ยถานุสนฺธึ คตา, อิทานิ นํ ยถานุสนฺธึ ปาเปสฺสามี"ติ สยเมว ปุจฺฉนฺโต อิมํ เทสนํ อารภิ. ตตฺถ มนาปํ นาภิชฺชตีติ อิฏฺารมฺมณํ น อภิชฺฌายติ. นาภิหํสตีติ น สามิสาย ตุฏฺิยา อภิหํสติ. ^๔- ตสฺส ิโต จ กาโย โหติ, ิตํ จิตฺตํ อชฺฌตฺตนฺติ ตสฺส นามกาโย จ จิตฺตญฺจ โคจรชฺฌตฺเต ิตํ โหติ. สุสณฺิตนฺติ กมฺมฏฺานวเสน สุฏฺุ สณฺิตํ. สุวิมุตฺตนฺติ กมฺมฏฺานวิมุตฺติยา สุวิมุตฺตํ. อมนาปนฺติ อนิฏฺารมฺมณํ. น มงฺกุ โหตีติ ตสฺมึ น มงฺกุ โหติ. @เชิงอรรถ: ^๑ ฉ. อารามนิสฺสยีติ ^๒ ฉ. อารามนิสฺสยี @^๓ ก. อุยฺยาเนปิ เอเสว นโย ^๔ ก. อวิหึสติ

เนื้อความอรรถกถาฉบับภาษาบาลี อักษรไทย เล่มที่ ๑๓ หน้าที่ ๒๑๒. http://84000.org/tipitaka/read/attha_page.php?book=13&page=212&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=13&A=4604&pagebreak=1 http://84000.org/tipitaka/atthapali/th_line.php?B=13&A=4604&pagebreak=1#p212