บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 13 : PALI ROMAN Sam.A. (sarattha.3) Page 240.
Evam kayapayogam vina uppannaviriyam. Kayappassaddhiti tinnam khandhanam darathapassaddhi. Cittappassaddhiti vinnanakkhandhassa darathapassaddhi. Upekkhasambojjhange satisambojjhangasadisova vinicchayo. Imasmim sutte missakasambojjhanga kathita. Etesu hi ajjhattadhammesu sati, pavicayo, upekkhati ime attano khandharammanatta lokiyava honti, tatha maggam apattam kayikaviriyam. Avitakkaavicara pana pitisamadhi kincapi rupavacara honti, rupavacare 1- pana bojjhanga na labbhantiti lokuttarava honti. Ye ca thera brahmaviharavipassanapadakajjhanadisu bojjhange uddharanti, tesam matena rupavacarapi arupavacarapi honti. Bojjhangesu hi arupavacare pitiyeva ekantena na labbhati, sesa cha missakava hontiti. Desanapariyosane keci bhikkhu sotapanna jata, keci sakadagami, keci anagami, keci arahantoti. 3. Aggisuttavannana [234] Tatiye satinca khvaham bhikkhave sabbatthikam vadamiti lonadhupanam viya sabbakammikamaccam viya ca sabbattha icchitabbam vadamiti attho. Yatha hi lonadhupanam sabbabyanjanesupi nivisati, yatha ca sabbakammiko amacco yodhakammampi karoti mantakammampi patiharakammampiti sabbakiccani sadheti, evam uddhatassa cittassa nigganhanam, linassa pagganhananti sabbampetam 2- satiya ijjhati, na sakka vina satiya etam sampadetum, tasma evamaha. Imasmim sutte pubbabhagavipassana bojjhangava kathita. @Footnote: 1 Si.,ka. arupavacare 2 cha.Ma. sabbametamThe Pali Atthakatha in Roman Character Volume 13 Page 240. http://84000.org/tipitaka/read/attha_page.php?book=13&page=240&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=13&A=5219&modeTY=2&pagebreak=1 http://84000.org/tipitaka/atthapali/rm_line.php?B=13&A=5219&modeTY=2&pagebreak=1#p240
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]