Kasikaram, adhuna kattham khettatthananti attho. Leddutthananti leddunam thanam. 1-
Avadamanati avadamana ca 2- attano balassa sutthu vannam vadamanati attho.
Mahantam leddum abhiruhitvati uddhanasanthanena thitesu tisu leddusu "ito sene
agacchante ito nikkhamissami, ito agacchante ito"ti sallakkhetva tesu
ekam leddum abhiruhitva atthasi avadamano. 3- Sannayhati khurappam sannayhamano 4-
viya sannayhitva sutthu thapetva. Bahuagato kho myayanti "mayham atthaya ayam
bahutam thanam agato, appam avasittham, idani mam ganhissati"ti natva darugulo 5-
viya vinivattitva tasseva leddussa antare paccupadi, patipanno pavitthoti
attho. Uram paccatalesiti "ekappahareneva lapassa sisam chinditva gahessami"ti
pakkhantatta vegam sandharetum asakkonto tasmim leddusmim uram patalesi.
Tavadevassa hadayamamsam phaliyittha. Atha lapo "dittha vata sattuno pitthi"ti
hatthatuttho tassa hadaye aparaparam cankami.
7. Makkatasuttavannana
[373] Sattame duggati duggama. Cariti sancaro. Lepam oddentiti
vatarukkhakhiradihi yojetva lepam karonti, tam makkatanam dhuvagamanatthananti
sallakkhetva rukkhasakhadisu thapenti. Pancodditoti pancasu thanesu kajadandakam
pavesetva gahetabba kajasikka viya oddito. Thunam setiti thunanto sayati.
8. Sudasuttavannana
[374] Atthame sudoti bhattakarako. Nanaccayehiti nanacayehi, nanavidhehiti
attho. Ayameva va patho. Ambilaggehiti ambilakotthasehi. Eseva nayo
@Footnote: 1 ka. bhejjatthanam 2 cha.Ma. samma vadamana 3 Ma. vadamano
@4 Si.,ka. sandahamano 5 Ma. daruculaya
The Pali Atthakatha in Roman Character Volume 13 Page 273.
http://84000.org/tipitaka/read/attha_page.php?book=13&page=273&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=13&A=5951&modeTY=2&pagebreak=1
http://84000.org/tipitaka/atthapali/rm_line.php?B=13&A=5951&modeTY=2&pagebreak=1#p273
