ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๓ ภาษาบาลี อักษรไทย สํ.อ. (สารตฺถ.๓)

หน้าที่ ๒๙๙.

    เอวเมว โขติ เอตฺถ โยชนสตุพฺเพโธ มหาชมฺพุรุกฺโข วิย ภิกฺขุสํโฆ
ตสฺส ทกฺขิณทิสํคโต ๑- ปญฺญาสโยชนิโก มหาขนฺโธ วิย ธมฺมเสนาปติ, ตสฺมึ
มหาขนฺเธ ภินฺเน ตโต ปฏฺฐาย อนุปุพฺเพน วฑฺฒิตฺวา ปุปฺผผลาทีหิ ตํ ฐานํ
ปูเรตุํ สมตฺถสฺส อญฺญสฺส ขนฺธสฺส อภาโว วิย เถเร ปรินิพฺพุเต โสฬสนฺนํ
ปญฺหานํ มตฺถกํ ปตฺตสฺส อญฺญสฺส ทกฺขิณาสเน นิสีทนสมตฺถสฺส ภิกฺขุโน อภาโว,
ตาย ปริภินฺนาย โส ๒- รุกฺโข วิย ภิกฺขุสํโฆ ขนฺโธ เตฺวว ชาโตติ เวทิตพฺโพ.
ตสฺมาติ ยสฺมา สพฺพสงฺขาตํ ปโลกธมฺมํ, ตํ มา ปลุชฺชีติ น สกฺกา ลทฺธุํ,
ตสฺมา.
                      ๔-๕. อุกฺกเจลสุตฺตาทิวณฺณนา
    [๓๘๐-๓๘๑] จตุตฺเถ อจิรปรินิพฺพุเตสุ สาริปุตฺตโมคฺคลฺลาเนสูติ น
จิรปรินิพฺพุเตสุ ทฺวีสุ อคฺคสาวเกสุ. เตสํ หิ ธมฺมเสนาปติ กตฺติกมาสปุณฺณมายํ
ปรินิพฺพุโต, มหาโมคฺคลฺลาโน ตโต อฑฺฒมาสํ อติกฺกมฺม อนาวสุโปสเถ ๓- สตฺถา
ทฺวีสุ อคฺคสาวเกสุ ปรินิพฺพุเตสุ มหาภิกฺขุสํฆปริวาโร มหามณฺฑเล จาริกํ
จรมาโน อนุปุพฺเพน อุกฺกเจลนครํ ปตฺวา ตตฺถ ปิณฺฑาย จริตฺวา คงฺคาปิฏฺเฐ
รชตปตฺตวณฺณวาลิกาปุลิเน วิหาสิ. เตน วุตฺตํ "อจิรปรินิพฺพุเตสุ สาริปุตฺต-
โมคฺคลฺลาเนสู"ติ. เย มหนฺตตรา ขนฺธา เต ปลุชฺเชยฺยุนฺติ อิธาปิ โยชนสตุพฺเพโธ
มหาชมฺพุรุกฺโข วิย ภิกฺขุสํโฆ, ตสฺส ทกฺขิณโต จ อุตฺตรโต จ คตา
ปญฺญาสโยชนิกา เทฺว มหาขนฺธา วิย เทฺว อคฺคสาวกาติ. เสสํ ปุริมนเยเนว
โยเชตพฺพํ. ปญฺจเม ทิฏฺฐีติ กมฺมสฺสกตทิฏฺฐิ.
                         ๖. อุตฺติยสุตฺตวณฺณนา
    [๓๘๒] ฉฏฺเฐ มจฺจุเธยฺยสฺส ปารนฺติ เตภูมกวฏฺฏสฺส ปารภูตํ นิพฺพานํ.
@เชิงอรรถ:  ก. ทกฺขิณทิสาภาคโต      ก. ปน ทิสาเยโส    ก. อฑฺฒมาสกาฬปกฺขอุโปสเถ



เนื้อความอรรถกถาฉบับภาษาบาลี อักษรไทย เล่มที่ ๑๓ หน้าที่ ๒๙๙. http://84000.org/tipitaka/read/attha_page.php?book=13&page=299&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=13&A=6535&modeTY=2&pagebreak=1 http://84000.org/tipitaka/atthapali/th_line.php?B=13&A=6535&modeTY=2&pagebreak=1#p299


จบการแสดงผล หน้าที่ ๒๙๙.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]