บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 13 : PALI ROMAN Sam.A. (sarattha.3) Page 303.
3-5. Parihanasuttadivannana [389-391] Tatiye parihanam hotiti puggalavasena parihanam hoti. Yo hi buddhesu dharantesupi cattaro satipatthane na bhaveti, tassa saddhammo antarahito nama hoti devadattadinam viya. Iti imasmim sutte tassa puggalasseva dhammantaradhanam kathitam. Catutthapancamesu sabbam uttanameva. 6. Padesasuttavannana [392] Chatthe padesam bhavitattati padesato 1- bhavitatta. Cattaro hi magge tini ca phalani nibbattantena satipatthana padesam bhavita nama honti. 7. Samattasuttavannana [393] Sattame samattam bhavitattati samatta bhavitatta. Arahattaphalanca uppadentena hi satipatthana samatta bhavita nama honti. 8-10. Lokasuttadivannana [394-396] Atthame mahabhinnatanti 2- channam abhinnanam vasena vuttam. Sahassalokam abhijanamiti satataviharavaseneva vuttam. Thero kira patova utthaya mukham dhovitva senasane nisinno atite kappasahassam, anagate kappasahassam anussarati, paccuppannepi sahassam cakkavalanam tassavajjanassa gatim anubandhati, iti so dibbena cakkhuna sahassam lokam abhijanati, ayamassa satataviharo. Sesam sabbattha uttanatthamevati. Silatthitivaggo tatiyo. --------------- @Footnote: 1 ka. padesam 2 Si. mahabhinnanantiThe Pali Atthakatha in Roman Character Volume 13 Page 303. http://84000.org/tipitaka/read/attha_page.php?book=13&page=303&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=13&A=6623&modeTY=2&pagebreak=1 http://84000.org/tipitaka/atthapali/rm_line.php?B=13&A=6623&modeTY=2&pagebreak=1#p303
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]