อรรถกถาเล่มที่ ๑๓ ภาษาบาลี อักษรไทย
สํ.อ. (สารตฺถ.๓)
หน้าที่ ๓๔๓.

                         ๑๐. อานาปานสํยุตฺต
                          ๑. เอกธมฺมวคฺค
                        ๑. เอกธมฺมสุตฺตวณฺณนา
    [๙๗๗] อานาปานสํยุตฺตสฺส ปฐเม เอกธมฺโมติ เอโก ธมฺโม. เสสเมตฺถ
ยํ วตฺตพฺพํ สิยา, ตํ สพฺพํ สพฺพากาเรน วิสุทฺธิมคฺเค ๑-
อานาปานสฺสติกมฺมฏฺฐานนิทฺเทเส วุตฺตเมว.
                         ๖. อริฏฺฐสุตฺตวณฺณนา
    [๙๘๒] ฉฏฺเฐ ภาเวถ โนติ ภาเวถ นุ. กามจฺฉนฺโทติ ปญฺจกามคุณิกราโค.
อชฺฌตฺตพหิทฺธา จ ๒- เม ธมฺเมสูติ อชฺฌตฺติกพาหิเรสุ ทฺวาทสสุ อายตนธมฺเมสุ.
ปฏิฆสญฺญา สุปฺปฏิวินีตาติ ปฏิฆสมฺปยุตฺตา สญฺญา สุฏฺฐุ ปฏิวินีตา, สมุจฺฉินฺนาติ
อตฺโถ. อิมินา อตฺตโน อนาคามิมคฺคํ กเถติ. อิทานิ อรหตฺตมคฺคสฺส วิปสฺสนํ
ทสฺเสนฺโต โส สโตว อสฺสสิสฺสามีติอาทิมาห.
                       ๗. มหากปฺปินสุตฺตวณฺณนา
    [๙๘๓] สตฺตเม อิญฺชิตตฺตํ วา ผนฺทิตตฺตํ วาติ อุภเยนปิ จลนเมว กถิตํ.
                        ๘. ปทีโปปมสุตฺตวณฺณนา
    [๙๘๔] อฏฺฐเม เนว กาโยปิ กิลมติ น จกฺขูนีติ อญฺเญสุ หิ กมฺมฏฺฐาเนสุ
กมฺมํ กโรนฺตสฺส กาโยปิ กิลมติ, จกฺขูนิปิ วิหญฺญนฺติ. ธาตุกมฺมฏฺฐานสฺมึ
หิ กมฺมํ กโรนฺตสฺส กาโย กิลมติ, ยนฺเต ปกฺขิปิตฺวา ปีฬนาการปฺปตฺโต วิย
@เชิงอรรถ: ๑ วิสุทฺธิ. ๒/๕๒ (สฺยา)         ๒ ฉ.ม. อชฺฌตฺตํ พหิทฺธา จ


เนื้อความอรรถกถาฉบับภาษาบาลี อักษรไทย เล่มที่ ๑๓ หน้าที่ ๓๔๓.
http://84000.org/tipitaka/read/attha_page.php?book=13&page=343&pages=1&modeTY=2&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=13&A=7471&modeTY=2&pagebreak=1
http://84000.org/tipitaka/atthapali/th_line.php?B=13&A=7471&modeTY=2&pagebreak=1#p343