10. Tatiyaginjakavasathasuttavannana
[1006] Dasame paropannasati atirekapannasa. Sadhikanavutiti atirekanavuti.
Chatirekaniti chahi adhikani. So kira gamo kincapi natimaha ahosi,
ariyasavaka panettha bahu. Tattha tattha ahivatarogena ekappahareneva
catuvisatipanasatasahassani kalamakamsu, tesu ariyasavaka ettaka ahesum. Sesam
sabbattha uttanamevati.
Veludvaravaggo pathamo.
--------------
2. Rajakaramavagga
1. Sahassabhikkhunisamghasuttavannana
[1007] Dutiyassa pathame rajakarameti ranna karitatta evamladdhaname
arame, tam ranna pasenadikosalena katam. Pathamabodhiyam kira labhaggayasaggapattam
sattharam disva titthiya cintayimsu "samano gotamo labhaggayasaggapatto, na kho
panesa annam kinci silam va samadhim va nissaya evam labhaggayasaggapatto.
Bhumisisam pana tena gahitam, sace mayampi jetavanasamipe aramam karapetum
sakkuneyyama, labhaggappatta bhaveyyama"ti. Te attano attano upatthake
samadapetva satasahassamatte kahapane labhitva te adaya ranno santikam
agamamsu. Raja "kim etan"ti pucchi. Mayam jetavanasamipe titthiyaramam karoma, sace
samano gotamo va samanassa gotamassa savaka va agantva varessanti,
varetum ma adatthati lanjam adamsu. Raja lanjam gahetva "gacchatha karetha"ti
aha.
The Pali Atthakatha in Roman Character Volume 13 Page 363.
http://84000.org/tipitaka/read/attha_page.php?book=13&page=363&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=13&A=7913&modeTY=2&pagebreak=1
http://84000.org/tipitaka/atthapali/rm_line.php?B=13&A=7913&modeTY=2&pagebreak=1#p363
