อรรถกถาเล่มที่ ๑๓ หน้าที่ ๓๖๘.

สมฺพาธวิยูหนฺติ ^๑- พฺยูหา วุจฺจนฺติ อวินิพฺพิทฺธรจฺฉาโย, ยา ^๒- ปวิฏฺฐมคฺเคเนว นิคจฺฉนฺติ, ตา สมฺพาธา พฺยูหา ^๓- พหุกา เอตฺถาติ สมฺพาธพฺยูหํ. อิมินาปิ นครสฺส ฆนวาสเมว ทีเปติ. ภนฺเตนปีติ ^๔- อิโต จิโต จ ปริพฺภมนฺเตน อุทฺธตจารินา. ทุติยํ อุตฺตานเมว. ๓. โคธสกฺกสุตฺตวณฺณนา [๑๐๑๙] ตติเย ภควาว เอตํ ชาเนยฺย เอเตหิ ธมฺเมหิ สมนฺนาคตํ วา อสมนฺนาคตํ วาติ อิทํ โส สกฺโก ตีหิ วา ธมฺเมหิ สมนฺนาคตสฺส ปุคฺคสฺส โสตาปนฺนภาวํ, จตูหิ วา ธมฺเมหิ สมนฺนาคตสฺส โสตาปนฺนภาวํ ภควาว ชานาตีติ อธิปฺปาเยน อาห. โกจิเทว ธมฺมสมุปฺปาโท ^๕- อุปฺปชฺเชยฺยาติ กิญฺจิเทว การณํ อุปฺปชฺเชยฺย. ^๖- เอกโต อสฺส ภควา, เอกโต ภิกฺขุสํโฆติ ยสฺมึ การเณ อุปฺปนฺเน ภควา ภิกฺขุสํเฆน นานาลทฺธิโก หุตฺวา เอกํ วาทํ วทนฺโต เอกโต อสฺส, ภิกฺขุสํโฆปิ เอกํ วทนฺโต เอกโตติ อตฺโถ. เตเนวาหนฺติ ยํ วาทํ ตุเมฺห วเทถ, ตเมวาหํ คเณหยฺยนฺติ. นนุ จ อริยสาวกสฺส รตนตฺตเย ปสาทนานตฺตํ ^๗- นตฺถิ, อถ กสฺมา เอวมาหาติ? ภควโต สพฺพญฺญุตาย. เอวญฺหิสฺส โหติ "ภิกฺขุสํโฆ อตฺตโน อสพฺพญฺญุตาย อชานิตฺวาปิ กเถยฺย, สตฺถุ ปน อญฺญาณํ นาม นตฺถี"ติ. ตสฺมา เอวมาห. อญฺญตฺร กลฺยาณา อญฺญตฺร กุสลาติ กลฺยาณเมว กุสลเมว วทามิ, น กลฺยาณกุสลวิมุตฺตนฺติ. อปิจสฺส อนวชฺชนโทโส เอโสติ. ๔. ปฐมสรณานิสกฺกสุตฺตวณฺณนา [๑๐๒๐] จตุตฺเถ อิธ มหานาม เอกจฺโจ ปุคฺคโลติ อิทํ น เกวลํ สรณานิ เอว ^๘- อปายโต มุตฺโต, อิเมปิ ปุคฺคลา มุตฺตาติ ทสฺเสตุํ อารทฺธํ. @เชิงอรรถ: ^๑ ฉ.ม. สมฺพาธพฺยูหนฺติ ^๒ สี.,ก. ยาสุ ^๓ สี. สมฺพาธพฺยูหา @^๔ สี.,ก. วิพฺภนฺเตนาติ, ฉ.ม. ภนฺเตนาติ ^๕ ม. ธมฺโม สมุปฺปาโท @^๖ ม. อุปฺปนฺนํ อุปฺปชฺเชยฺย ^๗ สี.,ก. ปสาทญฺญถตฺตํ ^๘ สี.,ก. สรกานิเอว

เนื้อความอรรถกถาฉบับภาษาบาลี อักษรไทย เล่มที่ ๑๓ หน้าที่ ๓๖๘. http://84000.org/tipitaka/read/attha_page.php?book=13&page=368&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=13&A=8022&modeTY=2&pagebreak=1 http://84000.org/tipitaka/atthapali/th_line.php?B=13&A=8022&modeTY=2&pagebreak=1#p368