อรรถกถาเล่มที่ ๑๓ ภาษาบาลี อักษรไทย
สํ.อ. (สารตฺถ.๓)
หน้าที่ ๓๗๑.

                       ๑๐. นนฺทิยสกฺกสุตฺตวณฺณนา
    [๑๐๓๖] ทสเม ทิวา ปวิเวกาย รตฺตึ ปฏิสลฺลานายาติ ทิวา ปวิเวกตฺถาย
รตฺตึ ปฏิสลฺลานตฺถาย. ธมฺมา น ปาตุภวนฺตีติ สมถวิปสฺสนาธมฺมา น อุปฺปชฺชนฺติ.
เสสํ สพฺพตฺถ อุตฺตานตฺถเมวาติ.
                       ปุญฺญาภิสนฺทวคฺโค จตุตฺโถ.
                          -------------
                       ๕. สคาถกปุญฺญาภิสนฺทวคฺค
                       ๑. ปฐมอภิสนฺทสุตฺตวณฺณนา
    [๑๐๓๗] ปญฺจมสฺส ปฐเม อสงฺเขฺยยฺโยติ อาฬฺหกคณนาย ๑- อสงฺเขฺยยฺโย,
โยชนวเสน ปนสฺส สงฺขฺยา อตฺถิ. พหุเภรวนฺติ สวิญฺญาณกอวิญฺญาณกานํ
เภรวารมฺมณานํ วเสน พหุเภรวํ. ปุถูติ พหู. สวนฺตีติ สนฺทมานา. อุปยนฺตีติ
อุปคจฺฉนฺติ.
                       ๒. ทุติยอภิสนฺทสุตฺตวณฺณนา
    [๑๐๓๘] ทุติเย ยตฺถิมา มหานทิโย สํสนฺทนฺติ สเมนฺตีติ ยสฺมึ สมฺเภเท, ๒-
เอตา มหานทิโย เอกีภวนฺติ, นิรนฺตรา ภวนฺตีติ อตฺโถ.
                       ๓. ตติยอภิสนฺทสุตฺตวณฺณนา
    [๑๐๓๙] ตติเย ปุญฺญกาโมติ ปุญฺญตฺถิโก. กุสเล ปติฏฺฐิโตติ มคฺคกุสเล
ปติฏฺฐิโต. ภาเวติ มคฺคํ อมตสฺส ปตฺติยาติ นิพฺพานสฺส ปาปุณนตฺถํ อรหตฺตมคฺคํ
ภาเวติ. ธมฺมสาราธิคโมติ ธมฺมสาโร วุจฺจติ อริยผลํ ธมฺมสาโร อธิคโม ๓-
อสฺสาติ ธมฺมสาราธิคโม, อธิคตผโลติ อตฺโถ. ขเย รโตติ กิเลสกฺขเย รโต.
@เชิงอรรถ: ๑ สี. สลากคณนาย    ๒ สี.,ม. สํภิชฺเช    ๓ สี. อริยผลธมฺมสาโร, โส อธิคโม


เนื้อความอรรถกถาฉบับภาษาบาลี อักษรไทย เล่มที่ ๑๓ หน้าที่ ๓๗๑.
http://84000.org/tipitaka/read/attha_page.php?book=13&page=371&pages=1&modeTY=2&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=13&A=8085&modeTY=2&pagebreak=1
http://84000.org/tipitaka/atthapali/th_line.php?B=13&A=8085&modeTY=2&pagebreak=1#p371