อรรถกถาเล่มที่ ๑๓ หน้าที่ ๓๘๒.

๓. โกฏิคามวคฺค ๑. โกฏิคามสุตฺตวณฺณนา [๑๐๙๑] ตติยสฺส ปฐเม อนนุโพธาติ อนนุพุชฺฌเนน. อปฺปฏิเวธาติ อปฺปฏิวิชฺฌเนน. ๒. ทุติยโกฏิคามสุตฺตวณฺณนา [๑๐๙๒] ทุติเย เจโตวิมุตฺติ ปญฺญาวิมุตฺตีติ ผลสมาปตฺติผลปญฺญานํ นามํ. ๗. ตถสุตฺตวณฺณนา [๑๐๙๗] สตฺตเม ตสฺมา อริยสจฺจานีติ ยสฺมา ตถานิ อวิตถานิ อนญฺญถานิ, ตสฺมา อริยานํ สจฺจานีติ วุจฺจนฺติ. น หิ วิตถานิ ^๑- อริยา อริยสจฺจโต ปฏิวิชฺฌนฺติ. ๘. โลกสุตฺตวณฺณนา [๑๐๙๘] อฏฺเฐ ตถาคโต อริโย, ตสฺมา "อริยสจฺจานี"ติ ยสฺมา อริเยน ตถาคเตน ปฏิวิทฺธตฺตา เทสิตตฺตา จ ตานิ อริยสนฺตกานิ โหนฺติ, ตสฺมา อริยสฺส สจฺจตฺตา อริยสจฺจานีติ อตฺโถ. ๑๐. ควมฺปติสุตฺตวณฺณนา [๑๑๐๐] ทสเม สหญฺจนิเกติ สหญฺจนิยนคเร. ^๒- โย ภิกฺขเว ทุกฺขํ ปสฺสติ, ทุกฺขสมุทยมฺปิ โส ปสฺสตีติอาทิ เอกปฏิเวธวเสน วุตฺตํ, อิมสฺมึ หิ สุตฺเต เอกปฏิเวโธว กถิโต. โกฏิคามวคฺโค ตติโย. ----------- @เชิงอรรถ: ^๑ สี. วิตถานิ อญฺญถานิ จ @^๒ สี. สหชนิเยติ สหชนิเย นคเร, ก. สหชนิเยติ สหชนิยนคเร

เนื้อความอรรถกถาฉบับภาษาบาลี อักษรไทย เล่มที่ ๑๓ หน้าที่ ๓๘๒. http://84000.org/tipitaka/read/attha_page.php?book=13&page=382&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=13&A=8309&modeTY=2&pagebreak=1 http://84000.org/tipitaka/atthapali/th_line.php?B=13&A=8309&modeTY=2&pagebreak=1#p382