บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 13 : PALI ROMAN Saṃ.A. (sārattha.3) Page 385.
4. Kūṭāgārasuttavaṇṇanā [1114] Catutthe heṭṭhimaṃ gharaṃ akaritvāti thambhabhittipādussāpanādinā gharassa heṭṭhimabhāgaṃ akatvā. 5. Vālasuttavaṇṇanā [1115] Pañcame saṇṭhāgāreti sippuggaṇhanasālāyaṃ. Upāsanaṃ karonteti kaṇḍakhipanasippaṃ 1- karonte. Asanaṃ atipātenteti kaṇḍaṃ atikkamente. Poṅkhānupoṅkhanti ekaṃ kaṇḍaṃ khipitvā 2- yathā aparantassa vijjhati aparaṃ poṅkhaṃ nāma dutiyassa poṅkhaṃ, puna aparaṃ anupoṅkhaṃ bahu puna aparaṃ tassa poṅkhanti 2- evaṃ atipātente addasa. Yatra hi nāmāti ye nāma. Durabhisambhavataranti dukkarataraṃ. Sattadhā 3- bhinnassa vālassa koṭiyā koṭiṃ paṭivijjheyyāti ekaṃ vālaṃ sattadhā bhinditvā tassa ekaṃ bhedaṃ gahetvā vātiṃ gaṇamajjhe bandhitvā aparaṃ bhedaṃ kaṇḍassa aggakoṭiyaṃ bandhitvā usabhamatte 4- ṭhito kaṇḍabaddhāya koṭiyā taṃ vāti gaṇabaddhakoṭiṃ paṭivijjheyyāti attho. Tasmāti yasmā evaṃ duppaṭivijjhāni cattāri saccāni, tasmā. 7. Paṭhamachiggaḷayugasuttavaṇṇanā [1117] Sattame aññamaññakhādikāti aññamaññaṃ khādanaṃ. Dubbalakhādikāti balavantehi macchādīhi dubbalānaṃ macchādīnaṃ khādanaṃ. @Footnote: 1 Sī. kaṇḍakhipanasikkhanaṃ @2-2 cha.Ma. yathā assasarassa poṅkhaṃ vijjhati,aparaṃ anupoṅkhaṃ nāma dutiyassa poṅkhaṃ, @puna aparaṃ tassa poṅkhanti 3 Ma. satadhā 4 Sī.,ka. usabhamaggeThe Pali Atthakatha in Roman Character Volume 13 Page 385. http://84000.org/tipitaka/read/attha_page.php?book=13&page=385&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=13&A=8372&pagebreak=1 http://84000.org/tipitaka/atthapali/rm_line.php?B=13&A=8372&pagebreak=1#p385
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]