ATTHAKATHA Book 13 : PALI ROMAN
Sam.A. (sarattha.3)
Page 4.

Adhimattabalavachandarago hoti. Rupadisupi tatheva na adhimattabalavachandarago, tasma
tani "bahirani"ti vuttani. Vittharato pana ajjhattikabahirakatha visuddhimagge
vuttava. Sesam dvisupi suttesu hettha vuttanayameva. Tatha tatiyacatutthesu.
                   5-6. Pathamanoceassadasuttadivannana
      [17-18] Pancame nissatati nikkhanta. Visannuttati nosamyutta.
Vippamuttati noadhimutta. Vimariyadikatena cetasati nimmariyadikatena cetasa.
Yam hi kilesajatam va vattam va appahinam hoti, tena sekhanam cittam
samariyadikatam nama. Yam pahinam, tena vimariyadikatam. Idha pana sabbaso kisesananceva
vattassa ca pahinatta vimariyadikatena kilesavattamariyadam atikkantena cittena
viharimsuti attho. Chatthepi eseva nayo. Chasupi panetesu catusaccameva kathitanti
veditabbam.
                     7-10. Pathamabhinandasuttavannana
      [19-22] Sattamadisu catusu vattavivattameva kathitam.  anupubbikatha 1- pana
nesam hettha vuttanayeneva veditabbati.
                          Yamakavaggo dutiyo
                           ----------
                            3. Sabbavagga
                        1. Sabbasuttadivannana
      [23] Sabbavaggassa pathame sabbam vo bhikkhaveti sabbam nama catubbidham
sabbasabbam ayatanasabbam sakkayasabbam padesasabbanti. Tattha:-
@Footnote: 1 cha. anupubbakatha


The Pali Atthakatha in Roman Character Volume 13 Page 4.
http://84000.org/tipitaka/read/attha_page.php?book=13&page=4&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_rm.php?B=13&A=65&modeTY=2&pagebreak=1
http://84000.org/tipitaka/atthapali/rm_line.php?B=13&A=65&modeTY=2&pagebreak=1#p4