บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 13 : PALI ROMAN Sam.A. (sarattha.3) Page 52.
2. Khanasuttavannana [135] Dutiye chaphassayatanika namati visum chaphassayatanika nama nirayo natthi. Sabbesupiti hi ekattimsamahanirayesu chadvaraphassayanapannatti 1- hotiyeva. Idam pana avicimahanirayam sandhaya vuttam. Saggati idhapi tavatimsapurameva adhippetam. Kamavacaradevaloke pana etasmimpi chaphassayatanapannattiya 2- abhavo nama natthi. Imina kim dipeti? niraye ekantadukkhasamappitabhavena devaloke ca ekantasukhasamappitatta ekantakhiddarativasena uppannapamadena maggabrahmacariyavasam vasitum na sakka. Manussaloko pana vokinnasukhadukkho, idheva apayopi saggopi pannayati. Ayam maggabrahmacariyassa kammabhumi nama, sa tumhehi laddha. Tasma ye vo ime manussaka khandha laddha, te vo labha. Yam ca vo idam manussattam laddham, patiladdho vo brahmacariyavasassa khano samayoti. Vuttampi cetam 3- poranehi:- "ayam kammabhumi idha maggabhavana thanani samvejaniya bahu idha samvegasamyojaniyesu 4- vatthusu samvegajatova payunja 5- yoniso"ti. 3. Pathamaruparamasuttavannana [136] Tatiye rupasammuditati rupe sammudita pamodita. Dukkhati dukkhita. Sukhoti nibbanasukhena sukhito. Kevalati sakala. Yavatatthiti vuccatiti yattaka @Footnote: 1 ka.....phassapativinnatti @2 Si.,ka. chaphassayatane sati vinnattiya 3 cha.Ma. hetam @4 ka. samvegasamyojaniyesu 5 Ma. payujjaThe Pali Atthakatha in Roman Character Volume 13 Page 52. http://84000.org/tipitaka/read/attha_page.php?book=13&page=52&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=13&A=1111&modeTY=2&pagebreak=1 http://84000.org/tipitaka/atthapali/rm_line.php?B=13&A=1111&modeTY=2&pagebreak=1#p52
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]