อรรถกถาเล่มที่ ๑๓ หน้าที่ ๕๕.

๖-๗. อนฺเตวาสิกสุตฺตาทิวณฺณนา [๑๕๑-๑๕๒] ฉฏฺเ อนนฺเตวาสิกนฺติ อนฺโต วาสนกกิเลสวิรหิตํ. อนาจริยกนฺติ อาจรณกกิเลสวิรหิตํ. อนฺตสฺส วสนฺตีติ อนฺโต อสฺส วสนฺติ. เต นํ สมุทาจรนฺตีติ เต เอตํ อธิภวนฺติ อชโฌตฺถรนฺติ สิกฺขาเปนฺติ วา. "เอวํ เวชฺชกมฺมํ กโรหิ, เอวํ ทูตกมฺมนฺ"ติ อิติ สิกฺขาปนสงฺขาเตน สมุทาจรณฏฺเนสฺส เต อาจริยา นาม โหนฺติ, เตหิ อาจริเยหิ สาจริยโกติ. ^๑- เสสเมตฺถ วุตฺตนเยเนว เวทิตพฺพํ. สตฺตมํ เหฏฺา กถิตนยเมว. ๘. อตฺถินุโขปริยายสุตฺตวณฺณนา [๑๕๓] อฏฺเม ยํ ปริยายํ อาคมฺมาติ ยํ การณํ อาคมฺม. อญฺเตฺรว สทฺธายาติ วินา สทฺธาย สทฺธํ อปเนตฺวา. เอตฺถ จ สทฺธาติ น ปจฺจกฺขา สทฺธา. โย ปน ปรสฺส เอวํ กิร เอวํ กิราติ กเถนฺตสฺส สุตฺวา อุปฺปสนฺโน สทฺทหนากาโร, ตํ สนฺธาเยตํ วุตฺตํ. รุจิอาทีสุปิ รุจาเปตฺวา ขมาเปตฺวา อตฺเถตนฺติ คหณากาโร รุจิ นาม, เอวํ กิร ภวิสฺสตีติ อนุสฺสวนํ อนุสฺสโว, นิสีทิตฺวา เอตํ การณํ จินฺเตนฺตสฺส การณํ อุปฏฺาติ, เอวํ อุปฏฺิตสฺส อตฺเถตนฺติ คหณํ อาการปริวิตกฺโก นาม, กรณวิตกฺโกติ อตฺโถ. การณํ จินฺเตนฺตสฺส ปาปิกา ลทฺธิ อุปฺปชฺชติ, ตํ อตฺเถสาติ คหณากาโร ทิฏฺินิชฺฌานกฺขนฺติ นาม. อญฺ พฺยากเรยฺยาติ อิมานิ ปญฺจฏฺานานิ มุญฺจิตฺวา อรหตฺตํ พฺยากเรยฺย. อิมสฺมึ สุตฺเต เสกฺขอเสกฺขานํ ปจฺจเวกฺขณา กถิตา. ๙-๑๐. อินฺทฺริยสมฺปนฺนสุตฺตาทิวณฺณนา [๑๕๔-๑๕๕] นวเม อินฺทฺริยสมฺปนฺโนติ ปริปุณฺณินฺทฺริโย. ตตฺถ เยน ฉ อินฺทฺริยานิ สมฺมสิตฺวา อรหตฺตํ ปตฺตํ, โส เตหิ นิพฺพิเสวเนหิ อินฺทฺริเยหิ @เชิงอรรถ: ^๑ ฉ.ม. สาจริยโกติ วุจฺจติ

เนื้อความอรรถกถาฉบับภาษาบาลี อักษรไทย เล่มที่ ๑๓ หน้าที่ ๕๕. http://84000.org/tipitaka/read/attha_page.php?book=13&page=55&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=13&A=1177&pagebreak=1 http://84000.org/tipitaka/atthapali/th_line.php?B=13&A=1177&pagebreak=1#p55