อรรถกถาเล่มที่ ๑๕ หน้าที่ ๒๕๕.

วฏฺฏติ. ปุถุตฺตารมฺมณํ ปหาย เอเกกสฺมึ นิพฺพานโคจเรเยว ติฏฺฐตีติ วุตฺตํ โหติ. สนฺนิสีทตีติ สุฏฺฐุ นิสีทติ. เอโกทิภาโว โหตีติ ^๑- เอกคฺคํ โหติ. สมาธิยตีติ สมฺมา อาธิยติ. สนฺโตติอาทีสุ ปจฺจนีกกิเลสวูปสเมน สนฺโต. อตปฺปกฏฺเฐน ปณีโต. กิเลสปฏิปฺปสฺสทฺธิยา ลทฺธตฺตา ปฏิปฺปสฺสทฺธิลทฺโธ. ^๒- เอกคฺคภาวํ คตตฺตา เอโกทิภาวาธิคโต. กิเลสานํ ฉินฺนนฺเต อุปฺปนฺนตฺตา น สปฺปโยเคน ^๓- กิเลเส นิคฺคณฺหิตฺวา วาเรตฺวา วาริโตติ น สสงฺขารนิคฺคยฺหวาริตวโต. เอตฺตาวตา อยํ ภิกฺขุ วิวฏฺเฏตฺวา อรหตฺตํ ปตฺโต นาม โหติ. อิทานิสฺส ขีณาสวสฺส สโต อภิญฺญาปฏิเวธํ ^๔- ทสฺเสนฺโต ยสฺส ยสฺส จาติอาทิมาห. ตตฺถ อภิญฺญาสจฺฉิกรณียสฺสาติ อภิชานิตฺวา ปจฺจกฺขํ กาตพฺพสฺส. สติ สติ อายตเนติ ปุพฺพเหตุสงฺขาเต เจว อิทานิ จ ปฏิลทฺธพฺเพ ฌานาทิเภเท ^๕- สติ สติการเณ. ตสฺส ^๖- วิตฺถารโต ปน อยํ อภิญฺญากถา วิสุทฺธิมคฺเค ^๗- วุตฺตนเยเนว เวทิตพฺพา. อาสวานํ ขยาติอาทิ เจตฺถ ผลสมาปตฺติวเสน วุตฺตนฺติ เวทิตพฺพํ. ๑๑. นิมิตฺตสุตฺตวณฺณนา [๑๐๓] เอกาทสเมปิ อธิจิตฺตํ สมถวิปสฺสนาจิตฺตเมว. ตีณิ นิมิตฺตานีติ ตีณิ การณานิ. กาเลน กาลนฺติ กาเล กาเล, ยุตฺตกาลนฺติ ^๘- อตฺโถ. กาเลน กาลํ สมาธินิมิตฺตํ มนสิกาตพฺพนฺติอาทีสุ ตํ ตํ กาลํ สลฺลกฺเขตฺวา เอกคฺคตายุตฺตกาเล เอกคฺคตา มนสิกาตพฺพา. เอกคฺคตา หิ อิธ สมาธินิมิตฺตนฺติ วุตฺตา. ตตฺถ วจนตฺโถ:- สมาธิเยว นิมิตฺตํ สมาธินิมิตฺตํ. เสสปททฺวเยปิ เอเสว นโย. ปคฺคโหติ ^๙- ปทํ ^๑๐- วิริยสฺส นามํ, อุเปกฺขาติ มชฺฌตฺตภาวสฺส. ตสฺมา @เชิงอรรถ: ^๑ ฉ.ม.,อิ. เอโกทิ โหตีติ @^๒ ฉ. ปฏิปฺปสฺสทฺธลทฺโธ, องฺ.ปญฺจก. ๒๒/๒๗/๒๖ ปญฺจงฺคิกวคฺค (สฺยา), @ที.ปา. ๑๑/๓๕๕/๒๔๙ ทสุตฺตรสุตฺต ^๓ ม. อปฺปโยเคน ^๔ ฉ.ม.,อิ. อภิญฺญาปฏิปทํ @^๕ ฉ.ม.,อิ. อภิญฺญาปาทกชฺฌานาทิเภเท จ ^๖ ฉ.ม.,อิ. อยํ ปาโฐ น ทิสฺสติ @^๗ วิสุทฺธิ. ๒/๑๙๙ อิทฺธิวิธนิทฺเทส ^๘ ฉ.ม.,อิ. ยุตฺตกาเลติ @^๙ ก. ปคฺคาโหติ ^๑๐ ฉ.ม.,อิ. ปน

เนื้อความอรรถกถาฉบับภาษาบาลี อักษรไทย เล่มที่ ๑๕ หน้าที่ ๒๕๕. http://84000.org/tipitaka/read/attha_page.php?book=15&page=255&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=15&A=5920&modeTY=2&pagebreak=1 http://84000.org/tipitaka/atthapali/th_line.php?B=15&A=5920&modeTY=2&pagebreak=1#p255