อรรถกถาเล่มที่ ๑๕ หน้าที่ ๒๖๖.

เจตนา สตฺต สญฺญา สตฺต จิตฺตานี"ติ ชานิตฺวา ปฏิวิชฺฌิตฺวา ปจฺจกฺขํ กตฺวา, ตถา "อิเม จตฺตาโร สติปฏฺฐานา"ติอาทินา นเยน เต เต ธมฺเม ชานิตฺวา ปฏิวิชฺฌิตฺวา ปจฺจกฺขเมว กตฺวาติ อตฺโถ. สนิทานนฺติ สปจฺจยเมว กตฺวา กเถมิ, โน อปจฺจยํ. สปฺปาฏิหาริยนฺติ ปจฺจนีกปฏิหรเณน สปฺปาฏิหาริยเมว กตฺวา กเถมิ, โน อปฺปาฏิหาริยํ. อลญฺจ ปน โวติ ยุตฺตญฺจ ปน ตุมฺหากํ. ตุฏฺฐิยาติ "สมฺมาสมฺพุทฺโธ ภควา, สฺวากฺขาโต ธมฺโม, สุปฏิปนฺโน สํโฆ"ติ ตีณิ รตนานิ คุณโต อนุสฺสรนฺตานํ ตุมฺหากํ ยุตฺตเมว ตุฏฺฐึ กาตุนฺติ อตฺโถ. เสสปททฺวเยปิ เอเสว นโย. อกมฺปิตฺถาติ ฉหิ อากาเรหิ อกมฺปิตฺถ. เอวรูโป หิ ปฐวีกมฺโป โพธิมณฺเฑปิ อโหสิ. โพธิสตฺเต กิร ทกฺขิณทิสาภาเคน โพธิมณฺฑํ อภิรุเฬฺห ทกฺขิณภาโค ^๑- เหฏฺฐา อวีจึ ปาปุณนฺโต วิย อโหสิ, อุตฺตรภาโค อุคฺคนฺตฺวา ภวคฺคํ อภิหนนฺโต วิย. ปจฺฉิมทิสํ คเต ปจฺฉิมภาโค เหฏฺฐา ^๒- อวีจึ ปาปุณนฺโต วิย อโหสิ, ปาจีนภาโค อุคฺคนฺตฺวา ภวคฺคํ อภิหนนฺโต วิย อโหสิ. อุตฺตรทิสํ คเต อุตฺตรภาโค ^๓- เหฏฺฐา อวีจึ ปาปุณนฺโต วิย, ทกฺขิณทิสาภาโค อุคฺคนฺตฺวา ภวคฺคํ อภิหนนฺโต วิย. ปาจีนทิสํ คเต ปาจีนทิสาภาโค เหฏฺฐา อวีจึ ปาปุณนฺโต วิย, ปจฺฉิมภาโค อุคฺคนฺตฺวา ภวคฺคํ อภิหนนฺโต วิย. โพธิรุกฺโขปิ สกึ เหฏฺฐา อวีจึ ปาปุณนฺโต วิย, สกึ อุคฺคนฺตฺวา ภวคฺคํ อภิหนนฺโต วิย. ตสฺมึปิ ทิวเส เอวํ ฉหิ อากาเรหิ จกฺกวาฬสหสฺเส ^๔- มหาปฐวี อกมฺปิตฺถ. ๔. ภรณฺฑุกาลามสุตฺตวณฺณนา [๑๒๗] จตุตฺเถ เกวลกปฺปนฺติ สกลกปฺปํ. อาหิณฺฑนฺโตติ ^๕- วิจรนฺโต. น อทฺทสาติ กึการณา น อทฺทส? อยํ กิร ภรณฺฑุ กาลาโม สกฺยานํ ^๖- อคฺคปิณฺฑํ @เชิงอรรถ: ^๑ ฉ.ม.,อิ. ทกฺขิณทิสาภาโค ^๒ อิ. อยํ สทฺโท น ทิสฺสติ ^๓ ฉ.ม. อุตฺตรทิสาภาโค @^๔ ฉ.ม.,อิ. จกฺกวาฬสหสฺสี ^๕ ฉ.ม.,อิ. อนฺวาหิณฺฑนฺโต ^๖ ม. อคฺคาสนํ

เนื้อความอรรถกถาฉบับภาษาบาลี อักษรไทย เล่มที่ ๑๕ หน้าที่ ๒๖๖. http://84000.org/tipitaka/read/attha_page.php?book=15&page=266&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=15&A=6164&modeTY=2&pagebreak=1 http://84000.org/tipitaka/atthapali/th_line.php?B=15&A=6164&modeTY=2&pagebreak=1#p266