อรรถกถาเล่มที่ ๑๕ หน้าที่ ๗๘.

อุลฺลิตฺตาวลิตฺตานีติ อนฺโต จ พหิ จ ลิตฺตานิ. นิวาตานีติ นิวาตปฺปเวสานิ. ^๑- ผุสิตคฺคฬานีติ เฉเกหิ วฑฺฒกีหิ กตตฺตา ปิฏฺฐสงฺฆาฏสฺมึ สุฏฺฐุ ผุสิตกวาฏานิ. ปิหิตกวาตปานานีติ ยุตฺตกวาตปานานิ. อิมินา ปททฺวเยน กวาฏวาตปานานํ นิจฺจํ ปิหิตตํ อกเถตฺวา สมฺปตฺติเยว กถิตา. อิจฺฉิติจฺฉิตกฺขเณ ปน ตานิ ปิทหิยนฺติ ^๒- จ วิวริยนฺติ จ. พาลโต อุปฺปชฺชนฺตีติ พาลเมว นิสฺสาย อุปฺปชฺชนฺติ. พาโล หิ อปณฺฑิตปุริโส รชฺชํ วา อุปรชฺชํ วา อญฺญํ วา ปน มหนฺตํ ฐานํ ปฏฺเฐนฺโต กติปเย อตฺตนา สทิเส วิธวปุตฺเต มหามูเฬฺห ^๓- คเหตฺวา "เอถ อหํ ตุเมฺห อิสฺสเร กริสฺสามี"ติ ปพฺพตคหนาทีนิ นิสฺสาย อนฺตมนฺเต คาเม ปหรนฺโต คามํ นาเสตฺวา ^๔- อนุปุพฺเพน นิคเมปิ ชนปเทปิ ปหรติ. มนุสฺสา เคหานิ ฉฑฺเฑตฺวา เขมฏฺฐานํ ปฏฺฐยมานา ปกฺกมนฺติ. เต นิสฺสาย วสนฺตา ภิกฺขูปิ ภิกฺขุนิโยปิ อตฺตโน อตฺตโน วสนฏฺฐานานิ ปหาย ปกฺกมนฺติ. คตคตฏฺฐาเน เตสํ ^๕- ภิกฺขาปิ เสนาสนํปิ ทุลฺลภํ โหติ. เอวํ จตุนฺนํปิ ปริสานํ ภยํ อาคตเมว โหติ. ปพฺพชิเตสุปิ เทฺว พาลา ภิกฺขู อญฺญมญฺญํ วิวาทํ ปฏฺฐเปตฺวา โจทนํ อารภนฺติ. โกสมฺพีวาสิกานํ ^๖- วิย มหากลโห อุปฺปชฺชติ. จตุนฺนํ ปริสานํ ภยํ อาคตเมว โหตีติ เอวํ ปน ยานิ ^๗- อุปฺปชฺชนฺติ, สพฺพานิ ตานิ พาลโต อุปฺปชฺชนฺตีติ ยถานุสนฺธินา เทสนํ นิฏฺฐเปสิ. ๒. ลกฺขณสุตฺตวณฺณนา [๒] ทุติเย กายทฺวาราทิปฺปวตฺตกมฺมํ ลกฺขณํ สญฺชานนการณํ อสฺสาติ กมฺมลกฺขโณ. อปทานโสภนี ปญฺญาติ ยา ปญฺญา นาม อปทาเนน โสภติ, พาลา จ ปณฺฑิตา จ อตฺตโน อตฺตโน จริเตเนว ปากฏา โหนฺตีติ อตฺโถ. พาเลน @เชิงอรรถ: ^๑ ฉ.ม.,อิ. นิวาริตวาตปฺปเวสานิ ^๒ ฉ.ม. ปิธียนฺติ @^๓ ฉ.ม.,อิ. มหาธุตฺเต ^๔ ฉ.ม.,อิ. ทามริกภาวํ ชานาเปตฺวา ^๕ ฉ.ม.,อิ. @อยํ ปาโฐ น ทิสฺสติ ^๖ ฉ.ม.,อิ. อิติ โกสมฺพิ..... @^๗ ฉ.ม.,อิ. เอวํ ยานิ กานิจิ ภยานิ

เนื้อความอรรถกถาฉบับภาษาบาลี อักษรไทย เล่มที่ ๑๕ หน้าที่ ๗๘. http://84000.org/tipitaka/read/attha_page.php?book=15&page=78&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=15&A=1717&modeTY=2&pagebreak=1 http://84000.org/tipitaka/atthapali/th_line.php?B=15&A=1717&modeTY=2&pagebreak=1#p78