อรรถกถาเล่มที่ ๑๕ หน้าที่ ๑๕๓.

การณานิ ปสฺสนฺเตน. อลเมวาติ ยุตฺตเมว. โย ธมฺมํ เทเสตีติ โย ปุคฺคโล จตุสจฺจธมฺมํ ปกาเสติ. อตฺถปฏิสํเวทีติ อฏฺกถํ าเณน ปฏิสํเวที. ธมฺม- ปฏิสํเวทีติ ปาลิธมฺมํ ปฏิสํเวที. ๔. กถาปวตฺติสุตฺตวณฺณนา [๔๔] จตุตฺเถ าเนหีติ การเณหิ. ปวตฺตินีติ อปฺปฏิหตา นิยฺยานิกา. ๕. ปณฺฑิตสุตฺตวณฺณนา [๔๕] ปญฺจเม ปณฺฑิตปญฺตฺตานีติ ปณฺฑิเตหิ ปญฺตฺตานิ กถิตานิ ปสตฺถานิ. สปฺปุริสปญฺตฺตานีติ สปฺปุริเสหิ มหาปุริเสหิ ปญฺตฺตานิ กถิตานิ ปสตฺถานิ. อหึสาติ กรุณา เจว กรุณาปุพฺพภาโค จ. สํยโมติ สีลสํยโม. ทโมติ อินฺทฺริยสํวโร, อุโปสถวเสน วา อตฺตทมนํ, ปุณฺโณวาเท ^๑- ทโมติ วุตฺตา ขนฺติปิ อาฬวเก ^๒- วุตฺตา ปญฺาปิ อิมสฺมึ สุตฺเต วฏฺฏติเยว. มาตาปิตุอุปฏฺานนฺติ มาตาปิตูนํ รกฺขนํ โคปนํ ปฏิชคฺคนํ. สนฺตานนฺติ อญฺตฺถ พุทฺธปจฺเจกพุทฺธอริยสาวกา สนฺโต นาม, อิธ ปน มาตาปิตุอุปฏฺากา อธิปฺเปตา. ตสฺมา อุตฺตมฏฺเน สนฺตานํ, เสฏฺจริยฏฺเน พฺรหฺมจารีนํ. อิทํ มาตาปิตุอุปฏฺานํ สพฺภิ อุปญฺตฺตนฺติ ^๓- เอวเมตฺถ อตฺโถ ทฏฺพฺโพ. สตํ เอตานิ านานีติ สนฺตานํ อุตฺตมปุริสานํ เอตานิ านานิ การณานิ. อริโย ทสฺสนสมฺปนฺโนติ อิธ อิเมสํเยว ติณฺณํ านานํ กรเณน อริโย เจว ทสฺสนสมฺปนฺโน จ เวทิตพฺโพ, น พุทฺธาทโย น โสตาปนฺนา. อถวา สตํ เอตานิ านานีติ มาตุปฏฺานํ ปิตุปฏฺานนฺติ เอตานิ านานิ สนฺตานํ อุตฺตมปุริสานํ การณานีติ เอวํ มาตาปิตุอุปฏฺานวเสน อิมิสฺสา คาถาย อตฺโถ เวทิตพฺโพ. มาตาปิตุอุปฏฺาโกเยว หิ อิธ "อริโย ทสฺสนสมฺปนฺโน"ติ วุตฺโต. ส โลกํ ภชเต สิวนฺติ โส เขมํ เทวโลกํ คจฺฉติ ^๔-. @เชิงอรรถ: ^๑ ม.อุ. ๑๔/๓๙๕/๓๔๐ ปุณฺโณวาทสุตฺต, สํ.สฬา. ๑๘/๘๘๕๖ ปุณฺณสุตฺต (สฺยา) @^๒ สํ.ส. ๑๕/๒๔๖/๒๕๗ อาฬวกสุตฺต ^๓ ฉ.ม. อุปญฺาตนฺติ ^๔ ฉ.ม. คจฺฉตีติ

เนื้อความอรรถกถาฉบับภาษาบาลี อักษรไทย เล่มที่ ๑๕ หน้าที่ ๑๕๓. http://84000.org/tipitaka/read/attha_page.php?book=15&page=153&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=15&A=3491&pagebreak=1 http://84000.org/tipitaka/atthapali/th_line.php?B=15&A=3491&pagebreak=1#p153