บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๑๕ ภาษาบาลี อักษรไทย องฺ.อ. (มโนรถ.๒) หน้าที่ ๒๕๑.
ทฬฺหปรกฺกโมติ ถิรปรกฺกโม. อนิกฺขิตฺตธุโรติ อฏฺปิตธุโร, ๑- อคฺคผลํ อรหตฺตํ อปฺปตฺวา วิริยธุรํ น นิกฺขิปิสฺสามีติ เอวํ ปฏิปนฺโน. อิมสฺมึ สุตฺเต จตุสจฺจวเสน โสตาปตฺติมคฺโค, โสตาปตฺติมคฺเคน จ ๒- าณชวสมฺปนฺนตา กถิตาติ. ฉฏฺเ ตีณิ จ มคฺคานิ ตีณิ จ ผลานิ, ตีหิ มคฺคผเลหิ จ าณชวสมฺปนฺนตา กถิตา. สตฺตเม อรหตฺตผลํ, อรหตฺตผเลเนว จ มคฺคกิจฺจํ กถิตํ. ผลํ ปน ชวิตชเวน อุปฺปชฺชนโต ชโวติ จ วตฺตุํ น วฏฺฏติ. ๓- ๘. โปตฺถกสุตฺตวณฺณนา [๑๐๐] อฏฺเม นโวติ กรณํ อุปาทาย วุจฺจติ. โปตฺถโกติ วากมยวตฺถํ. มชฺฌิโมติ ปริโภคมชฺฌิโม. ชิณฺโณติ ปริโภคชิณฺโณ. อุกฺขลิปริมชฺชนนฺติ อุกฺขลิปริปุญฺฉนํ. ทุสฺสีโลติ นิสฺสีโล. ทุพฺพณฺณตายาติ คุณวณฺณาภาเวน ทุพฺพณฺณตาย. ทิฏฺานุคตึ อาปชฺชนฺตีติ เตน กตํ อนุกโรนฺติ. น มหปฺผลํ โหตีติ วิปากผเลน น มหปฺผลํ โหติ. น มหานิสํสนฺติ วิปากานิสํเสน ๔- น มหานิสํสํ. อปฺปคฺฆตายาติ วิปากคฺเฆน อปฺปคฺฆตาย. กาสิกํ วตฺถนฺติ กปฺปาสสุตฺตํ ๕- กนฺติตฺวา กตวตฺถํ, ตญฺจ โข กาสิรฏฺเเยว อุฏฺิตํ. เสสํ อุตฺตานเมว. สีลํ ปเนตฺถ มิสฺสกํ กถิตนฺติ. ๙. โลณผลสุตฺตวณฺณนา ๖- [๑๐๑] นวเม ยถา ยถายนฺติ ยถา ยถา อยํ. ตถา ตถา ตนฺติ ตถา ตถา ตํ กมฺมํ. อิทํ วุตฺตํ โหติ:- โย เอวํ วเทยฺย "ยถา ยถา กมฺมํ กโรติ, ตถา ตถาสฺส วิปากํ ปฏิสํเวทิยเตว. น หิ สกฺกา กตสฺส ๗- กมฺมสฺส วิปากํ อปฺปฏิสํเวเทตุํ. ๘- ตสฺมา ยตฺตกํ กมฺมํ กโรติ, ตตฺตกสฺส วิปากํ ปฏิสํเวทิยเตวา"ติ. เอวํ สนฺตนฺติ เอวํ สนฺเต. พฺรหฺมจริยวาโส น โหตีติ ยํ มคฺคภาวนโต @เชิงอรรถ: ๑ ฉ.ม.,อิ. อฏฺปิตธุโร ปคฺคหิตธุโร ๒ ม. โสตาปตฺติมคฺเคเนว @๓ ฉ.ม. วตฺตุํ วฏฺฏติ ๔ ฉ.ม.,อิ. วิปากานิสํเสเนว @๕ ฉ.ม. ตีหิ กปฺปาสอํสูหิ สุตฺตํ, อิ. ตีหิ กปฺปาสํสูหิ สุตฺตํ @๖ ฉ.ม. โลณกปลฺลสุตฺตวณฺณนา ๗ สี. ตสฺส ๘ ฉ.ม. ปฏิเสเธตุํเนื้อความอรรถกถาฉบับภาษาบาลี อักษรไทย เล่มที่ ๑๕ หน้าที่ ๒๕๑. http://84000.org/tipitaka/read/attha_page.php?book=15&page=251&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=15&A=5821&pagebreak=1 http://84000.org/tipitaka/atthapali/th_line.php?B=15&A=5821&pagebreak=1#p251
จบการแสดงผล หน้าที่ ๒๕๑.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]