อรรถกถาเล่มที่ ๑๕ ภาษาบาลี อักษรไทย
องฺ.อ. (มโนรถ.๒)
หน้าที่ ๒๙๔.

                        ๖. โสขุมฺมสุตฺตวณฺณนา
     [๑๖] ฉฏฺเ โสขุมฺมานีติ สุขุมลกฺขณปฏิวิชฺฌนกานิ าณานิ. รูปโสขุมฺเมน
สมนฺนาคโต โหตีติ รูเป สณฺหสุขุมลกฺขณปริคฺคาหเกน าเณน สมนฺนาคโต
โหติ. ปรเมนาติ อุตฺตเมน. เตน จ รูปโสขุมฺเมนาติ เตน ยาว อนุโลมภาวํ
ปตฺเตน สุขุมลกฺขณปริคฺคาหเกน าเณน. ๑- น สมนุปสฺสตีติ นตฺถิภาเวน ๒- น
ปสฺสติ. น ปตฺเถตีติ ๓- นตฺถิภาเวเนว น ปตฺเถติ. เวทนาโสขุมฺมาทีสุปิ เอเสว นโย.
     รูปโสขุมฺมตํ ตฺวาติ รูปกฺขนฺธสฺส สณฺหสุขุมลกฺขณปริคฺคาหเกน าเณน
สุขุมตํ ชานิตฺวา. เวทนานญฺจ สมฺภวนฺติ เวทนากฺขนฺธสฺส จ ปภวํ ชานิตฺวา.
สญฺา ยโต สมุเทตีติ ยสฺมา การณา สญฺากฺขนฺโธ สมุเทติ นิพฺพตฺตติ, ตญฺจ
ชานิตฺวา. อตฺถํ คจฺฉติ ยตฺถ จาติ ยสฺมึ าเน นิรุชฺฌติ, ตญฺจ ชานิตฺวา.
สงฺขาเร ปรโต ตฺวาติ สงฺขารกฺขนฺธํ อนิจฺจตาย ปลุชฺชนสภาเวน  ๔- ปรโต
ชานิตฺวา. อิมินา หิ ปเทน อนิจฺจานุปสฺสนา กถิตา, ทุกฺขโต โน จ
อตฺตโตติ อิมินา ทุกฺขานตฺตานุปสฺสนา. สนฺโตติ กิเลสสนฺตตาย สนฺโต. สนฺติปเท
รโตติ นิพฺพาเน รโต. อิมสฺมึ ๕- สุตฺตนฺเต จตูสุ าเนสุ วิปสฺสนาว กถิตา,
คาถาสุ โลกุตฺตรธมฺโมปีติ.
                        ๗. ปมอคติสุตฺตวณฺณนา
     [๑๗-๑๙] สตฺตเม อคติคมนานีติ น คติคมนานิ. ฉนฺทาคตึ คจฺฉตีติ
ฉนฺเทน อคตึ คจฺฉติ, อกตฺตพฺพํ กโรติ. เสเสสุปิ เอเสว นโย. ฉนฺทา โทสา
ภยา โมหาติ ฉนฺเทน โทเสน ภเยน โมเหน. อติวตฺตตีติ อติกฺกมติ. อฏฺเม ๖-
อุตฺตานเมว. นวมํ ๗- ตถาพุชฺฌนการนํ วเสน ทฺวีหิปิ นเยหิ กถิตํ.
@เชิงอรรถ: ๑ ม....ปริคฺคาหกรเณน       ๒ ฉ.ม....ภาเวเนว    ๓ ก. ปฏฺเตีติ
@๔ ฉ.ม. ลุชฺชนภาเวน         ๕ ฉ.ม. อิติ
@๖ ฉ.ม. อฏฺมํ              ๗ ฉ.ม. นวเม


เนื้อความอรรถกถาฉบับภาษาบาลี อักษรไทย เล่มที่ ๑๕ หน้าที่ ๒๙๔.
http://84000.org/tipitaka/read/attha_page.php?book=15&page=294&pages=1&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=15&A=6796&pagebreak=1
http://84000.org/tipitaka/atthapali/th_line.php?B=15&A=6796&pagebreak=1#p294