Vuccanti. Saccaṃ musā vāpi paraṃ daheyyāti tesu sayaṃsaṃvutasaṅkhātesu diṭṭhigatikesu
tathāgato tādi tesaṃ ekampi vacanaṃ "idameva saccaṃ moghamaññan"ti evaṃ saccaṃ
musā vāpi paraṃ uttamaṃ 1- katvā na odaheyya na saddaheyya na pattiyāyeyya.
Etañca sallanti etaṃ diṭṭhisallaṃ. Paṭikacca disvāti puretaraṃ bodhimūleyeva disvā.
Visattāti laggā laggitā 2- palibuddhā. Jānāmi passāmi tatheva etanti etthāyaṃ 3-
pajā ajjhositā gilitvā pariniṭṭhapetvā visattā laggā laggitā, etaṃ 4- ahampi
jānāmi passāmi. Tatheva etaṃ 5- yathā etāya pajāya gahitanti evaṃ ajjhositaṃ
natthi tathāgatānanti attho.
5. Brahmacariyasuttavaṇṇanā
[25] Pañcame janakuhanatthanti tīhi kuhanavatthūhi janassa kuhanatthāya. Na
janalapanatthanti na janassa upalāpanatthaṃ. Na lābhasakkārasilokānisaṃsatthanti na
cīvarādithutivacanatthaṃ. Na itivādappamokkhānisaṃsatthanti na tena tena kāraṇena
katavādānisaṃsatthaṃ, na vādassa pamokkhānisaṃsatthaṃ. Na iti maṃ jano jānātūti
na "evaṃ kira bhikkhū"ti 6- janassa jānanatthāya. Saṃvaratthanti pañcahi saṃvarehi
saṃvaratthāya. 7- Pahānatthanti tīhi pahānehi pajahanatthāya. Virāgatthanti rāgādīnaṃ
virajjanatthāya. 8- Nirodhatthanti tesaṃyeva nirujjhanatthāya. Anītihanti itihapari-
vajjitaṃ, aparapattiyanti attho. Nibbānogadhagāminanti nibbānassa antogadhagāminaṃ. 9-
Maggabrahmacariyañhi nibbānaṃ ārammaṇaṃ karitvā nibbānassa antoyeva vattati
pavattati. Paṭipajjantīti duvidhampi paṭipajjanti. Imasmiṃ sutte vaṭṭavivaṭṭaṃ
kathetvā gāthāsu vivaṭṭameva kathitaṃ.
@Footnote: 1 Ma. upamaṃ 2 cha.Ma. lagitā. evamuparipi
@3 Sī. yatthāyaṃ, cha.Ma. yathāyaṃ 4 cha.Ma. evaṃ
@5 cha.Ma. tathā evaṃ 6 cha.Ma. evaṃ kira esa bhikkhu, evaṃ kira esa bhikkhūti
@7 cha.Ma. saṃvaraṇatthāya 8 Sī. virājanatthāya, Ma. vissajjanatthāya
@9 cha.Ma. antogāminaṃ
The Pali Atthakatha in Roman Character Volume 15 Page 309.
http://84000.org/tipitaka/read/attha_page.php?book=15&page=309&pages=1&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=15&A=7152&pagebreak=1
http://84000.org/tipitaka/atthapali/rm_line.php?B=15&A=7152&pagebreak=1#p309
