อรรถกถาเล่มที่ ๑๕ หน้าที่ ๓๐๙.

วุจฺจนฺติ. สจฺจํ มุสา วาปิ ปรํ ทเหยฺยาติ เตสุ สยํสํวุตสงฺขาเตสุ ทิฏฺฐิคติเกสุ ตถาคโต ตาทิ เตสํ เอกมฺปิ วจนํ "อิทเมว สจฺจํ โมฆมญฺญนฺ"ติ เอวํ สจฺจํ มุสา วาปิ ปรํ อุตฺตมํ ^๑- กตฺวา น โอทเหยฺย น สทฺทเหยฺย น ปตฺติยาเยยฺย. เอตญฺจ สลฺลนฺติ เอตํ ทิฏฺฐิสลฺลํ. ปฏิกจฺจ ทิสฺวาติ ปุเรตรํ โพธิมูเลเยว ทิสฺวา. วิสตฺตาติ ลคฺคา ลคฺคิตา ^๒- ปลิพุทฺธา. ชานามิ ปสฺสามิ ตเถว เอตนฺติ เอตฺถายํ ^๓- ปชา อชฺโฌสิตา คิลิตฺวา ปรินิฏฺฐเปตฺวา วิสตฺตา ลคฺคา ลคฺคิตา, เอตํ ^๔- อหมฺปิ ชานามิ ปสฺสามิ. ตเถว เอตํ ^๕- ยถา เอตาย ปชาย คหิตนฺติ เอวํ อชฺโฌสิตํ นตฺถิ ตถาคตานนฺติ อตฺโถ. ๕. พฺรหฺมจริยสุตฺตวณฺณนา [๒๕] ปญฺจเม ชนกุหนตฺถนฺติ ตีหิ กุหนวตฺถูหิ ชนสฺส กุหนตฺถาย. น ชนลปนตฺถนฺติ น ชนสฺส อุปลาปนตฺถํ. น ลาภสกฺการสิโลกานิสํสตฺถนฺติ น จีวราทิถุติวจนตฺถํ. น อิติวาทปฺปโมกฺขานิสํสตฺถนฺติ น เตน เตน การเณน กตวาทานิสํสตฺถํ, น วาทสฺส ปโมกฺขานิสํสตฺถํ. น อิติ มํ ชโน ชานาตูติ น "เอวํ กิร ภิกฺขู"ติ ^๖- ชนสฺส ชานนตฺถาย. สํวรตฺถนฺติ ปญฺจหิ สํวเรหิ สํวรตฺถาย. ^๗- ปหานตฺถนฺติ ตีหิ ปหาเนหิ ปชหนตฺถาย. วิราคตฺถนฺติ ราคาทีนํ วิรชฺชนตฺถาย. ^๘- นิโรธตฺถนฺติ เตสํเยว นิรุชฺฌนตฺถาย. อนีติหนฺติ อิติหปริ- วชฺชิตํ, อปรปตฺติยนฺติ อตฺโถ. นิพฺพาโนคธคามินนฺติ นิพฺพานสฺส อนฺโตคธคามินํ. ^๙- มคฺคพฺรหฺมจริยญฺหิ นิพฺพานํ อารมฺมณํ กริตฺวา นิพฺพานสฺส อนฺโตเยว วตฺตติ ปวตฺตติ. ปฏิปชฺชนฺตีติ ทุวิธมฺปิ ปฏิปชฺชนฺติ. อิมสฺมึ สุตฺเต วฏฺฏวิวฏฺฏํ กเถตฺวา คาถาสุ วิวฏฺฏเมว กถิตํ. @เชิงอรรถ: ^๑ ม. อุปมํ ^๒ ฉ.ม. ลคิตา. เอวมุปริปิ @^๓ สี. ยตฺถายํ, ฉ.ม. ยถายํ ^๔ ฉ.ม. เอวํ @^๕ ฉ.ม. ตถา เอวํ ^๖ ฉ.ม. เอวํ กิร เอส ภิกฺขุ, เอวํ กิร เอส ภิกฺขูติ @^๗ ฉ.ม. สํวรณตฺถาย ^๘ สี. วิราชนตฺถาย, ม. วิสฺสชฺชนตฺถาย @^๙ ฉ.ม. อนฺโตคามินํ

เนื้อความอรรถกถาฉบับภาษาบาลี อักษรไทย เล่มที่ ๑๕ หน้าที่ ๓๐๙. http://84000.org/tipitaka/read/attha_page.php?book=15&page=309&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=15&A=7152&modeTY=2&pagebreak=1 http://84000.org/tipitaka/atthapali/th_line.php?B=15&A=7152&modeTY=2&pagebreak=1#p309