ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
 Page
 Display
page(s)
chage to ROMAN letter
ATTHAKATHA Book 15 : PALI ROMAN An.A. (manoratha.2)

Page 326.

     Ukkalati ukkalajanapadavasino. Vassabhannati vasso ca bhanno cati dve jana.
Ahetukavadati "natthi hetu natthi paccayo sattanam visuddhiya"ti evamadivadino.
Akiriyavadati "karoto na kariyati papan"ti evam kiriyapatikkhepavadino.
Natthikavadati "natthi dinnan"tiadivadino. Tesu imesu tisupi dassanesu
okkantaniyama ahesum. Katham panetesu 1- niyamo hotiti? yo hi evarupam laddhim
gahetva rattitthanadivatthanesu nisinno sajjhayati vimamsati, tassa "natthi hetu
natthi paccayo karoto na kariyati papam .pe. Natthi dinnam .pe. Kayassa
bheda ucchijjati"ti tasmim arammane micchasati santitthati, cittam ekaggam hoti,
javanani javanti. Pathamajavane satekiccho hoti, tatha dutiyadisu, sattame buddhanampi
atekiccho anivatti aritthakantakasadiso hoti. Tattha koci ekam dassanam okkamati,
koci dve, koci tinipi. Niyatamicchaditthikova hoti, patto saggamaggavarananceva 2-
mokkhamaggavarananca, abhabbo tassa attabhavassa anantaram saggampi gantum, pageva
mokkham. Vattakhanuko namesa satto pathavigopako, yebhuyyena evarupassa bhavato
vutthanam natthi. Vassabhannapi edisa ahesum.  nindabyarosanauparambhabhayati attano
nindabhayena ghattanabhayena upavadabhayena cati attho. Abhijjhavinaye sikkhanti
abhijjhavinayo vuccati arahattam, arahatte sikkhamano appamatto nama vuccatiti
suttante vattavivattam kathetva gathaya phalasamapatti kathitati.
                         Uruvelavaggo tatiyo.
                         --------------
@Footnote: 1 cha.Ma. pana tesu       2 Ma. satto saggaravarananceva



The Pali Atthakatha in Roman Character Volume 15 Page 326. http://84000.org/tipitaka/read/attha_page.php?book=15&page=326&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=15&A=7545&modeTY=2&pagebreak=1 http://84000.org/tipitaka/atthapali/rm_line.php?B=15&A=7545&modeTY=2&pagebreak=1#p326


บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]