romanATTHA book 15 Page 340.

Patinissatthati imina padena saddhim yojana katabba. Iti saccaparamaso ditthitthana samussayati iti saccam iti saccanti gahanaparamaso ca ditthisamkhatayeva ditthitthana ca ye samussitatta upagantva thitatta samussayati vuccanti te sabbepi. Idha thatva ditthitthana samuhatati imina padena saddhim yojana katabba. Kassa pana eta esana patinissattha ete ca ditthitthana samuhatati. Sabbaragavirattassa tanhakkhayavimuttino yo hi sabbaragehi virato tanhakkhaye parinibbane pavattaya arahattaphalavimuttiya samannagato tassa esana patinissattha ditthitthana ca samuhata. Save santoti so evarupo kilesasantataya santo. Passaddhoti dvihi kayacittapassaddhihi passaddho. Aparajitoti sabbakkilese jinitva thitatta kenaci aparajito. Manabhisamayati manassabhisamayena. Buddhoti cattari saccani bujjhitva thito. Iti imasmim suttepi gathasupi khinasavova kathitoti. [39] Navame samghatam apajjantiti vadham maranam apajjanti. Niccadananti salakabhattam. Anukulayannanti amhakam pituhi pitamahehi dinnatta evam kulanukulavasena yajitabbam databbanti attho. Assamedhanti adisu assamettha medhantiti assamedham. Dvihi pariyannehi yajitabbassa ekavisatiyupassa thapetva bhuminca purise ca avasesasabbavibhavadakkhinassa yannassetam adhivacanam. Purisamettha medhantiti purisamedham. Catuhi pariyannehi yajitabbassa saddhim bhumiya assamedhe vuttavibhavadakkhinassa yannassetam adhivacanam. Sammamettha pasantiti sammapaso. Divase divase sammam khipitva tassa patitokase vedim katva samharimehi yupadihi

The Pali Atthakatha in Roman Character Volume 15 Page 340. http://84000.org/tipitaka/read/attha_page.php?book=15&page=340&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=15&A=7870&modeTY=2&pagebreak=1 http://84000.org/tipitaka/atthapali/rm_line.php?B=15&A=7870&modeTY=2&pagebreak=1#p340