อรรถกถาเล่มที่ ๑๕ หน้าที่ ๓๕๑.

อายุภาคปฏิลาภินี โหติ, อายุํ วา ภชนิกา ^๑- โหติ, อายุปฏิลาภินีติ อตฺโถ. เสสปเทสุปิ เอเสว นโย. รสสา อุเปตนฺติ รเสน อุเปตํ รสสมฺปนฺนํ. อุชฺชุคเตสูติ กายวงฺกาทิ- รหิตตฺตา อุชุกเมว คเตสุ ขีณาสเวสุ. จรณูปปนฺเนสูติ ปญฺจทสหิ จรณธมฺเมหิ สมนฺนาคเตสุ. มหคฺคเตสูติ มหตฺตํ คเตสุ. ขีณาสวานํเยเวตํ นามํ. ปุญฺเญน ปุญฺญํ สํสนฺทมานาติ ปุญฺเญน สทฺธึ ปุญฺญํ ฆฏฺฏิยมานา. ^๒- มหปฺผลา โลกวิทูน วณฺณิตาติ เอวรูปา ทานสงฺขาตา ทกฺขิณา ติวิธโลกํ วิทิตํ กตฺวา ฐิตตฺตา โลกวิทูนํ พุทฺธานํ วณฺณิตา, พุทฺเธหิ ปสตฺถาติ อตฺโถ. ยญฺญมนุสฺสรนฺตาติ ยญฺญํ ทานํ อนุสฺสรนฺตา. เวทชาตาติ ตุฏฺฐิชาตา. ๘. สุทตฺตสุตฺตวณฺณนา [๕๘] อฏฺฐเม สญฺญตานนฺติ กายวาจาหิ สญฺญตานํ. ปรทตฺตโภชินนฺติ ปเรหิ ทินฺนเมว ภุญฺชิตฺวา ยาเปนฺตานํ. กาเลนาติ ยุตฺตกาเลน. ^๓- สกฺกจฺจ ททาตีติ สหตฺถา สกฺการํ กตฺวา ททาติ. จตฺตาริ ฐานานิ อนุปฺปเวจฺฉตีติ จตฺตาริ การณานิ อนุปฺปเวจฺฉติ ^๔- ททาติ. ยสวา โหตีติ มหาปริวาโร โหติ. นวมํ เกวลํ ภิกฺขูนํ กถิตํ. เสสเมตฺถ ตาทิสเมว. ๑๐. คิหิสามีจิสุตฺตวณฺณนา [๖๐] ทสเม คิหิสามีจิปฏิปทนฺติ คิหีนํ อนุจฺฉวิกํ ปฏิปตฺตึ. ปจฺจุปฏฺฐิโต โหตีติ อภิหริตฺวา ทาตุกามตาย ปติอุปฏฺฐิโต โหติ อุปคโต, ภิกฺขุสํฆสฺส จีวรํ เทตีติ อตฺโถ. อุปฏฺฐิตาติ อุปฏฺฐายโก. เตสํ ทิวา จ รตฺโต จาติ เย จ เอวํ จตูหิ ปจฺจเยหิ อุปฏฺฐหนฺติ, เตสํ ทิวา จ รตฺตึ จ ปริจฺจาควเสน จ อนุสฺสรณวเสน @เชิงอรรถ: ^๑ ม. ชนิกา ^๒ สี. ฆฏฺฏยมานา, ฉ.ม. ฆฏยมานา @^๓ ฉ.ม. ยุตฺตปฺปตฺตกาเลน ^๔ ฉ.ม. อนุปฺปเวเสติ

เนื้อความอรรถกถาฉบับภาษาบาลี อักษรไทย เล่มที่ ๑๕ หน้าที่ ๓๕๑. http://84000.org/tipitaka/read/attha_page.php?book=15&page=351&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=15&A=8122&modeTY=2&pagebreak=1 http://84000.org/tipitaka/atthapali/th_line.php?B=15&A=8122&modeTY=2&pagebreak=1#p351