ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๕ ภาษาบาลี อักษรไทย องฺ.อ. (มโนรถ.๒)

หน้าที่ ๓๕๕.

นาม. จีวรลูขปตฺตลูเขสุ ปมาณํ คเหตฺวา ปสนฺโน ลูขปฺปมาโณ นาม. ธมฺเม
ปมาณํ คเหตฺวา ปสนฺโน ธมฺมปฺปมาโณ นาม. อิตรานิ เตสํเยว อตฺถเววจนานิ.
สพฺพสตฺเต จ ตโย โกฏฺฐาเส กตฺวา เทฺว โกฏฺฐาสา รูปปฺปมาณา, เอโก น
รูปปฺปมาโณ. ปญฺจ โกฏฺฐาเส กตฺวา จตฺตาโร โกฏฺฐาสา โฆสปฺปมาณา, เอโก
น โฆสปฺปมาโณ. ทส โกฏฺฐาเส กตฺวา นว โกฏฺฐาสา ลูขปฺปมาณา, เอโก น
ลูขปฺปมาโณ. ๑- สตสหสฺสโกฏฺฐาเส ปน กตฺวา ๑- เอโก โกฏฺฐาโสว ธมฺมปฺปมาโณ,
เสสา น ธมฺมปฺปมาณาติ เวทิตพฺพา.
     รูเป ปมาณึสูติ ๒- เย รูปํ ทิสฺวา ปสนฺนา, เต รูเป ปมาณึสุ นาม. ปมินึสูติ ๓-
อตฺโถ. โฆเสน อนฺวคูติ โฆเสน อนุคตา, ๔- โฆสปฺปมาณํ คเหตฺวา ปสนฺนาติ
อตฺโถ. ฉนฺทราควสูเปตาติ ฉนฺทสฺส จ ราคสฺส จ วสํ อุเปตา. ๕- อชฺฌตฺตญฺจ
น ชานาตีติ นิยกชฺฌตฺเต ตสฺส คุณํ น ชานาติ. พหิทฺธา จ น ปสฺสตีติ
พหิทฺธาปิสฺส ปฏิปตฺตึ น ปสฺสติ. สมนฺตาวรโณติ สมนฺตโต อาวาริโต,
สมนฺตา วา อาวรณมสฺสาติ สมนฺตาวรโณ. โฆเสน วุยฺหตีติ โฆเสน นิยฺยติ,
น คุเณน. อชฺฌตฺตญฺจ น ชานาติ พหิทฺธา จ วิปสฺสตีติ นิยกชฺฌตฺเต
คุณํ น ชานาติ, พหิทฺธา ปนสฺส ปฏิปตฺตึ ปสฺสติ. พหิทฺธา ผลทสฺสาวีติ
ตสฺส ปเรหิ กตํ พหิทฺธา สกฺการผลํ ปสฺสนฺโต. วินีวรณทสฺสาวีติ วิวฏทสฺสาวีติ.
น โส โฆเสน วุยฺหตีติ โส โฆเสน น นิยฺยติ.
                         ๖. สราคสุตฺตวณฺณนา
     [๖๖] ฉฏฺเฐ โมหชํ วาปิอวิทฺทสูติ โมหชํ วาปิ อวิทฺทสู อปณฺฑิตา.
สวิฆาตนฺติ สทุกฺขํ. ทุกฺขุทฺรยนฺติ อายตึ จ ทุกฺขวฑฺฒิทายกํ. อจกฺขุกาติ
ปญฺญาจกฺขุวิรหิตา. ยถา ธมฺมา ตถา สนฺตาติ ยถา ราคาทโย ธมฺมา ฐิตา,
@เชิงอรรถ: ๑-๑ ฉ.ม. สตสหสฺสํ โกฏฺฐาเส กตฺวา ปน          ก. รูเปน ปามึสูติ
@ ฉ.ม. ปสีทึสูติ            ก. อนุคนฺตฺวา      ก. อุปคตา



เนื้อความอรรถกถาฉบับภาษาบาลี อักษรไทย เล่มที่ ๑๕ หน้าที่ ๓๕๕. http://84000.org/tipitaka/read/attha_page.php?book=15&page=355&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=15&A=8209&modeTY=2&pagebreak=1 http://84000.org/tipitaka/atthapali/th_line.php?B=15&A=8209&modeTY=2&pagebreak=1#p355


จบการแสดงผล หน้าที่ ๓๕๕.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]